మాజీ సీఎం నారా చంద్రబాబు నాయుడు సోదరుడు నారా రామ్మూర్తి నాయుడు కొడుకుగా సినిమాల్లోకి ఎంట్రీ ఇచ్చాడు నారా రోహిత్. ‘బాణం’ ‘సోలో’ ‘రౌడీ ఫెలో’ ‘జ్యో అచ్యుతానంద’ ‘అప్పట్లో ఒకడుండేవాడు’ వంటి డీసెంట్ హిట్ సినిమాల్లో అతను నటించాడు. కానీ అతనికి తర్వాత వరుస ప్లాపులు ఎదురయ్యాయి. పైగా చాలా షేపౌట్ అయ్యాడు. ఆఫర్ లు కూడా కరువవడంతో అతను సినిమాల్లో నటించట్లేదు అనే ప్రచారం ఇప్పటికీ జరుగుతుంది.
2018 లో వచ్చిన ‘వీర భోగ వసంత రాయలు’ తర్వాత ఇతని నుండి మరో సినిమా రాలేదు.4 ఏళ్ళ క్రితం వచ్చిన ‘బ్రోచేవారెవరురా’ సినిమా ప్రీ రిలీజ్ ఈవెంట్ లో కనిపించాడు.. ఆ తర్వాత ఎటువంటి సినిమా వేడుకల్లో కనిపించలేదు. అసలు నారా రోహిత్ సినిమాల్లో నటిస్తాడా లేదా? అనే విషయంపై తాజాగా శ్రీవిష్ణు క్లారిటీ ఇచ్చాడు.
శ్రీవిష్ణు నటించిన ‘సామజవరగమన’ చిత్రం జూన్ 29 న విడుదల కాబోతుంది. ఈ నేపథ్యంలో ఏర్పాటు చేసిన మీడియా సమావేశంలో అతను పాల్గొన్నాడు. ఈ సందర్భంగా అతనికి నారా రోహిత్ గురించి ఓ ప్రశ్న ఎదురైంది.ఈ క్రమంలో శ్రీవిష్ణు మాట్లాడుతూ.. ‘ అతని పర్సనల్ లైఫ్ లో కొన్ని సమస్యలు ఎదురవడంతో సినిమాలకు దూరంగా ఉన్నాడు. త్వరలోనే ఓ మంచి సినిమాతో రీ ఎంట్రీ ఇస్తాడు.
నాలుగు ఏళ్ళు గ్యాప్ వచ్చింది కాబట్టి రీ ఎంట్రీ బాగుండాలని భావిస్తున్నాడు. తప్పకుండా ఆ ప్రాజెక్టు గురించి త్వరలోనే పూర్తి వివరాలు వెల్లడిస్తారు ‘ అంటూ శ్రీవిష్ణు చెప్పుకొచ్చాడు. నారా రోహిత్ .. శ్రీవిష్ణు బెస్ట్ ఫ్రెండ్స్. శ్రీవిష్ణుని సినిమాల్లోకి తీసుకొచ్చిందే (Nara Rohit) నారా రోహిత్ అనే సంగతి తెలిసిందే.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
