ఒకప్పటి స్ట్రగ్లింగ్‌ నటులే ఇప్పుడు స్టార్ హీరోలు, కుర్ర స్టార్ హీరోలు. వారసత్వంగా వచ్చి ఉంటే తప్ప ఆ స్ట్రగ్లింగ్‌ను తప్పించుకోలేరు. అలా స్ట్రగుల్‌ అయ్యి ఇండస్ట్రీలోకి వచ్చి, ఇప్పుడు ప్రామిసింగ్‌ హీరోగా పేరు తెచ్చుకున్నవాళ్లలో శ్రీవిష్ణు ఒకరు. చాలా ఏళ్లుగా పరిశ్రమలో ఉన్న ఆయన ఇటీవల ‘సామజవరగమన’ సినిమాతో అదిరిపోయే విజయం అందుకున్నారు. కెరీర్‌లోనే ది బెస్ట్‌ సినిమాగా వసూళ్లపరంగా ఆయనకు పేరొచ్చింది. అయితే ఇటీవల ఓ సినిమా సక్సెస్ మీట్‌కు వెళ్లిన ఆయన కొన్ని ఆసక్తికర విషయాలు చెప్పారు.
శ్రీవిష్ణు సినిమాల్లోకి వచ్చే ముందు షార్ట్ ఫిల్మ్స్‌లో నటించిన విషయం తెలిసిందే. ఆ తర్వతే సినిమాల్లో చిన్నచిన్న పాత్రల ద్వారా కెరీర్ మొదలుపెట్టారు. ఆ తర్వాతనే సోలో హీరోగా ఎదిగారు. అయితే ఈ క్రమంలో తన స్నేహితులు చేసిన ‘మా ఊరి పొలిమేర 2’ సినిమా సక్సెస్ మీట్‌లో పాల్గొన్నారు. ఆ సినిమాలో నటించిన వాళ్లందరితోనూ తనకు అనుబంధం ఉందంటూ పాత రోజులు గుర్తుకు చేసుకున్నారు.
‘చిత్రం’ శ్రీను, గెటప్ శ్రీను, ‘సత్యం’ రాజేష్, రవి వర్మ… ఇలా అందరూ చిన్నప్పటి నుండీ నాకు తెలుసు. 15 సంవత్సరాల క్రితం గెటప్ శ్రీను, నేనూ కలసి ఇదే హైదరాబాద్‌లో ఆడిషన్స్‌కి తిరిగేవాళ్లం అంటూ అప్పటి రోజుల్ని గుర్తు చేసుకున్నారు. తాను ఫస్ట్ యాక్ట్ చేసిన పెద్ద యాక్టర్ సత్యం రాజేష్ అని చెప్పారు. నటుణ్ని అయిన తరవాత ‘చిత్రం’ శ్రీనుతో కలసి రెండు సినిమాలకు పని చేశానని అంటూ ‘అవి ఇప్పటికీ గుర్తుంచుకున్నాను శ్రీను అన్న’ అంటూ థాంక్స్ చెప్పారు.
రెండేళ్ల క్రితం ఓటీటీలో విడుదలై మంచి విజయాన్ని అందుకున్న చిత్రం ‘మా ఊరి పొలిమేర’. ఈ సినిమా అందించిన విజయంతో సీక్వెల్‌గా ‘మా ఊరి పొలిమేర 2’ తెరకెక్కించారు. ఈసారి ఓటీటీ కాకుండా థియేటర్లలోకే తెచ్చారు. మంచి విజయం సాధించారు కూడా. ఇక (Sri Vishnu) శ్రీవిష్ణు కూడా కొత్త సినిమా పనుల్లో బిజీగా ఉన్నారు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
