ఒకప్పుడు టాలీవుడ్ లో శ్రీనువైట్లకి మంచి క్రేజ్ ఉండేది. స్టార్ హీరోలతో హిట్టు మీద హిట్టు కొడుతూ మోస్ట్ వాంటెడ్ డైరెక్టర్ గా చెలామణి అయ్యారు. కానీ ఈ మధ్యకాలంలో ఆయన లిస్ట్ లో ఒక్క హిట్టు కూడా లేదు. ‘మిస్టర్’, ‘అమర్ అక్బర్ ఆంటోనీ’ వంటి డిజాస్టర్ సినిమాలు తీసి షాకిచ్చాడు. అయినప్పటికీ మళ్లీ తనముద్ర వేయడానికి తపన పడుతూనే ఉన్నాడు. అందులో భాగంగా ‘ఢీ అండ్ ఢీ’ సినిమా తీస్తున్నాడు. ‘డబుల్ డోస్’ అనే ఉపశీర్చిక.
మంచు విష్ణు హీరోగా నటిస్తున్నాడు. త్వరలోనే ఈ సినిమా సెట్స్ పైకి వెళ్లనుంది. అయితే ఈ సినిమా ‘ఢీ’ కి సీక్వెల్ కాదని క్లారిటీ ఇచ్చాడు శ్రీనువైట్ల. ఈ సినిమాతో పాటు మరో రెండు కథల్ని రెడీ చేశాడు. ‘డబుల్స్’ అనే టైటిల్ తో శ్రీనువైట్ల స్టోరీ రాసుకున్నాడు. ఇదొక మల్టీస్టారర్. ఇందులో ఇద్దరు హీరోలు ఉంటారట. ‘ఢీ అండ్ ఢీ’ సినిమాకి ‘డబుల్స్’కి మధ్య మరో సినిమా ఉంటుందట.
‘డబుల్స్’లో స్టార్ హీరోలే కనిపిస్తారని సమాచారం. అయితే ఇంతవరకు హీరోలెవరనేది ఇంకా అనుకోలేదని శ్రీనువైట్ల అన్నారు. కథ అయితే రెడీగా ఉందని.. ‘ఢీ అండ్ ఢీ’ తరువాత మరో సినిమా ఉంటుందని.. ఆ తరువాత ‘డబుల్స్’ సెట్స్ పైకి వెళ్తుందని అన్నారు. మరి ఇద్దరు స్టార్ హీరోల కాల్షీట్స్ బ్లాక్ చేయడమంటే మాములు విషయం కాదు. పైగా ఇప్పుడు శ్రీనువైట్ల ఫ్లాపుల్లో ఉన్నాడు. మరి ఈ డైరెక్టర్ తో పని చేయడానికి ఏ హీరోలు ముందుకొస్తారో చూడాలి!
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
