టాలీవుడ్ క్యూట్ బ్యూటీ సమంతకు ఓ వైపు ఆనందం, మరో వైపు టెన్షన్ ఉంది. మరో నాలుగు నెలల్లో అక్కినేని ఇంటి కోడలు కాబోతున్నందుకు సంతోషిస్తోంది. అప్పటిలోపున ఒప్పుకున్నా సినిమాలు పూర్తి అవుతాయా? అని ఆందోళన చెందుతోంది. ప్రస్తుతం సమంత తెలుగులో రామ్ చరణ్ సరసన నటిస్తోంది. సుకుమార్ దర్శకత్వంలో తెరకెక్కుతున్న ఈ మూవీ రెండో షెడ్యూల్ దశలో ఉంది. ఇక రాజుగారి గది-2 లో కీలక రోల్ పోషిస్తోంది. మరో గొప్ప ప్రాజక్ట్ మహానటి కోసం కూడా డేట్స్ కేటాయించింది. ఇది ఇంకా సెట్స్ మీదకు వెళ్ళలేదు.
దీంతోపాటు తమిళంలో విజయ్ హీరోగా నటించే 61, ఇరుంబు తిరాయ్, అనేతి కథైగల్ సినిమాల్లో సమంత కథానాయికగా నటిస్తోంది. ఈ సినిమాలన్నీసెట్స్ పై ఉన్నాయి. అనుకున్నట్టు అన్నీ జరిగితే సమంత ప్రశాంతంగా పెళ్లి పీటలు ఎక్కుతుంది. ఈ ఆరు సినిమాల్లో ఏ ఒక్కటి షూటింగ్ పోస్ట్ పోన్ అయినా సమంత పెళ్లి పై ఎఫెక్ట్ పడుతుంది. అందుకే ఈ చిత్రాల దర్శకులు పెళ్లిని దృష్టిలో ఉంచుకొని చకచకా చేస్తున్నారు. విశ్రాంతి తీసుకోకుండా అన్ని సినిమాలు సెప్టెంబర్ లోనే పూర్తి చేసి పెళ్లి కి సిద్ధం కావాలని సమంత శ్రమిస్తోంది.
Also, do SUBSCRIBE to our YouTube channel to get latest Tollywood updates.
