బన్నీ సుకుమార్ కాంబినేషన్ లో తెరకెక్కుతున్న పుష్ప2 సినిమాపై ఏ స్థాయిలో అంచనాలు ఏర్పడ్డాయో కొత్తగా చెప్పాల్సిన అవసరం లేదు. పుష్ప ది రైజ్ మూవీ రికార్డ్ స్థాయిలో కలెక్షన్లను సాధించగా పుష్ప ది రూల్ మూవీ అంతకు మించి కలెక్షన్లను సాధించడంతో పాటు బన్నీ, సుకుమార్ రేంజ్ ను ఊహించని స్థాయిలో పెంచడం గ్యారంటీ అని కామెంట్లు వ్యక్తమవుతూ ఉండటం గమనార్హం. అయితే అచ్చం సుకుమార్ లా ఉన్న ఒక వ్యక్తి ఫోటో నెట్టింట వైరల్ అవుతుండగా ఆ ఫోటో ప్రస్తుతం హాట్ టాపిక్ అవుతోంది.
మనుషులను పోలిన మనుషులు ఏడుగురు ఉంటారని మనం తరచూ వింటూ ఉంటాం. అయితే కొన్ని ఫోటోలను చూస్తే మాత్రం వైరల్ అవుతున్న వార్తలు నిజమేనని నమ్మాల్సి వస్తుంది. సుకుమార్ లా ఉన్న ఈ వ్యక్తిని చూసిన కొంతమంది ఇతనితో సెల్ఫీలు కుడా దిగారు. విచిత్రం ఏంటంటే ఈ ఫోటోలో ఉన్న వ్యక్తి పేరు కూడా సుకుమార్ కాగా డైరెక్టర్ సుకుమార్ ఈ వ్యక్తికి పుష్ప2 సినిమాలో చిన్న పాత్ర ఇచ్చారట.
ఈ వ్యక్తి వృత్తిరిత్యా డాక్టర్ కాగా మణికొండలో సొంతంగా క్లినిక్ ఉందట. యాక్టింగ్ అంటే ఉన్న ఇష్టంతో తాను కొన్ని సినిమాలలో నటించానని ఆయన చెప్పుకొచ్చారు. దర్శకుడు సుకుమార్ ను కలిసిన సమయంలో అచ్చం నాలానే ఉన్నావే అని ఆయన అన్నారని ఈ వ్యక్తి చెప్పుకొచ్చారు. సుకుమార్ (Sukumar) పోలికలతో ఉండటం ఈ వ్యక్తికి వరం అని చెప్పవచ్చు.
రాబోయే రోజుల్లో ఈ వ్యక్తికి సినిమా ఆఫర్లు మరింత పెరిగినా ఆశ్చర్యపోవాల్సిన అవసరం అయితే లేదని కామెంట్లు వ్యక్తమవుతున్నాయి. పుష్ప2 సినిమాలో పాత్రతో ఈ నటుడి కెరీర్ పుంజుకుంటుందేమో చూడాలి. డైరెక్టర్ సుకుమార్ రెమ్యునరేషన్ భారీ రేంజ్ లో ఉండగా ఈ దర్శకుడికి మరిన్ని విజయాలు దక్కాలని ఫ్యాన్స్ భావిస్తున్నారు.
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
