నేడు ఉదయం సుశాంత్ సింగ్ రాజ్ పుత్ ముంబైలోని బాంద్రా ప్రాంతంలో గల తన నివాసంలో ఫ్యాన్ కి ఉరి వేసుకొని ఆత్మ హత్య చేసుకున్నారు. ఆయన ఆత్మ హత్యకు గల కారణాలు ఏమిటనేది ఇంకా తెలియరాలేదు. హీరో సుశాంత్ సింగ్ ఆత్మ హత్య చేసుకున్నాడన్న విషయం తెలుసుకొని దేశం ఒక్కసారిగా ఉలిక్కి పడింది. సక్సెస్ ఫుల్ హీరోగా కెరీర్ లో ముందుకు వెళుతున్న సుశాంత్ అసలు ఆత్మ హత్య చేసుకోవలసిన అవసరం ఏముందన్న అనుమానం, బాధ అందరిలో నెలకొంది.
సుశాంత్ వయసు ప్రస్తుతం 34 సంవత్సరాలు. 2008లో నటుడిగా బుల్లితెర ఎంట్రీ ఇచ్చిన ఆయన అక్కడ సక్సెస్ కావడంతో 2013లో కై పో చే మూవీతో బాలీవుడ్ హీరోగా వెండితెరకు పరిచయం అయ్యాడు. ప్రముఖ క్రికెటర్ ధోని బయోపిక్ లో సుశాంత్ నటించడం విశేషం. ఆయన గత చిత్రం చిచ్చోరి మంచి విజయాన్ని అందుకుంది. చిచ్చోరి మూవీలో సూసైడ్ ప్రయత్నం చేసిన కొడుకు లో బ్రతుకుపై ఆశ కలిగేలా చేసే తండ్రి పాత్ర ఆయన చేయడం విశేషం.
సుశాంత్ మరణంతో బాలీవుడ్ తీవ్ర విషాదంలో మునిగిపోయింది. కొన్ని రోజుల క్రితం సుశాంత్ 2002లో మరణించిన వారి అమ్మను తలచుకుంటూ ఓ ఎమోషన్ పోస్ట్ ఇంస్టాగ్రామ్ లో పెట్టారు. ఆయన డిప్రెషన్ కారణంగానే ఈ దారుణానికి ఒడిగట్టారని తెలుస్తుంది.
Most Recommended Video
కవల పిల్లలు పిల్లలు కన్న సెలెబ్రిటీలు వీరే..!
బాగా ఫేమస్ అయిన ఈ స్టార్స్ బంధువులు కూడా స్టార్సే
బాలయ్య సాధించిన అరుదైన రికార్డ్స్ ఇవే..!
