టాలీవుడ్ లో ఒకప్పుడు స్టార్ హీరోలందరి సరసన నటించిన నటించి మంచి క్రేజ్ సంపాదించునది టబు. ఆమె గ్లామర్ తో అప్పటి కుర్రకారుని మాత్రమే కాదు.. ఆమె గత సినిమాలు చూసిన ఇప్పటి కుర్రకారుకి కూడా ఆమె మతులు పోగొడుతూనే ఉంది. చాలా కాలం తరువాత ఆమె తెలుగు సినిమాలు చేయడానికి అంగీకరించింది. ప్రస్తుతం బన్నీ, త్రివిక్రమ్ కాంబినేషన్లో తెరకెక్కబోతున్న చిత్రంతో పాటు రానా – సాయి పల్లవి ప్రధాన పాత్రలు పోషిస్తున్న ‘విరాటపర్వం’ చిత్రంలో కూడా నటించడానికి ఈమె ఒప్పుకుంది. అయితే అందుతున్న సమాచారం ప్రకారం.. రానా సినిమా నుండీ ఆమె తప్పుకుందట.
దీనికి అసలు కారణం డేట్స్ అడ్జెస్ట్ చేయలేకపోవడమే అని తెలుస్తుంది. బాలీవుడ్ లో వరుస సినిమాలు చేస్తూ బిజీగా ఉన్న టబు ఇప్పుడు తెలుగులో త్రివిక్రమ్ – బన్నీ సినిమాలో కూడా నటిస్తుంది. అయితే అటు బాలీవుడ్.. ఇటు టాలీవుడ్ లో వరుస షెడ్యూల్స్ లో పాల్గొంటుండడంతో ‘విరాటపర్వం’ చిత్రానికి డేట్స్ అడ్జస్ట్ చేయలేకపోతుందట. దీంతో ‘విరాటపర్వం’ దర్శకుడు వేణు ఉడుగుల… నేషనల్ అవార్డ్ విన్నర్ నందితా దాస్ ను తీసుకున్నాడట.
