చలాకి తనం, సమయస్ఫూర్తి, భాషపై పట్టు, ఎనర్జీ కలగలిపితే యాంకర్ సుమ. ఆమె యాంకర్ గా కెరీర్ మొదలుపెట్టి దాదాపు రెండు దశాబ్దాలు అవుతుంది. అయినప్పటికీ ఆమె స్టార్ యాంకర్ గా దూసుకుపోతుంది. 45 ఏళ్ల సుమకు ఇప్పటికీ పోటీలేదంటే అతిశయోక్తి కాదు. పరిశ్రమలో ఏ పెద్ద వేడుక, స్టార్ హీరో ఫంక్షన్ జరగాలన్నా, యాంకర్ గా సుమ ఉండవలసిందే. బేసిక్ గా మలయాళీ అయిన సుమ స్వచ్చమైన తెలుగు అనర్గళంగా మాట్లాడుతుంది. ఆమెకు హిందీ, ఇంగ్లీష్ మరియు తమిళ భాషలపై కూడా పట్టువుంది.
ఆమెతో పాటు యాంకర్ గా కెరీర్ ప్రారంభించిన వారు చాలా మంది కనుమరుగై పోయారు. సుమ మాత్రం యంగ్ జనరేషన్ కి పోటీ ఇస్తూ దూసుకెళుతుంది. సుమ తన కెరీర్ నటిగా మొదలుపెట్టడం విశేషం. 1991 నుండి అనేక మలయాళ చిత్రాలలో ప్రాధాన్యం లేని రోల్స్ ఆమె చేశారు. ఐతే 1996లో దర్శకుడు దాసరి నారాయణరావు తెరకెక్కించిన కల్యాణ ప్రాప్తిరస్తు సినిమాలో హీరోయిన్ గా నటించింది. ఆ సినిమా తరువాత ఆమె మరో మలయాళ సినిమాలో కూడా హీరోయిన్ గా నటించింది.
తెలుగులో 1997లో వచ్చిన హార్రర్ సీరియల్ అన్వేషిత ఆమెకు మంచి పేరు తెచ్చిపెట్టింది. అనేక సినిమాలలో కొన్ని పాత్రలు చేసిన సుమ చిన్నగా యాంకరింగ్ వైపు అడుగులు వేసి విజయం సాధించింది. 90లలో హీరోయిన్ గా అవకాశాల కోసం ఆమె ప్రయతినిస్తున్న సమయంలో తీసుకున్న కొన్ని ఫోటోలు ఆమె సోషల్ మీడియాలో పంచుకోగా అవి వైరల్ గా మారాయి. 1999లో సుమ నటుడు రాజీవ్ కనకాలను ప్రేమ వివాహం చేసుకున్నారు. వీరి మామగారు దేవదాస్ కనకాల కూడా నటుడే కావడం విశేషం. ఆయన గత ఏడాది మరణించారు.
1
2
Most Recommended Video
కవల పిల్లలు పిల్లలు కన్న సెలెబ్రిటీలు వీరే..!
బాగా ఫేమస్ అయిన ఈ స్టార్స్ బంధువులు కూడా స్టార్సే
బాలయ్య సాధించిన అరుదైన రికార్డ్స్ ఇవే..!
