తమన్‌ — ట్రోలర్స్‌.. బాగా కనెక్టివిటీ ఎక్కువగా ఉన్న పేర్లు ఇవీ. ఎందుకంటే తమన్‌ ఏం చేసినా, ఏ పాటకు సంగీతం ఇచ్చినా, ఏ మాట మాట్లాడినా.. ట్రోలర్స్‌ తమ సరంజామాతో రెడీ అయిపోతారు. దానికితోడు తమన్‌ కూడా ట్రోలర్ల కోసమే అన్నట్లు కొన్ని పనులు చేస్తుంటారు. అయితే తమన్‌ ఇప్పుడు మరోసారి అలాంటి పనే చేశాడు. అయితే ఈసారి ట్రోలర్లకు పని పెట్టేలా కాదు.. నెగిటివిటీ పంచేవాళ్ల నరాలు పీకే పని చేశాడు.
కావాలంటే మీరు ఓసారి తమన్‌ ట్విటర్‌ అకౌంట్‌ ఓపెన్‌ చేసి చూడండి. మీకే అర్థమవుతుంది. అందులో తమన్‌ ఇటీవల ఓ వీడియో షేర్‌ చేశాడు. చిన్న గ్రాఫిక్ వర్క్‌తో కూడిన ఆ వీడియో ఇప్పుడు సోషల్‌ మీడియలో వైరల్‌గా మారింది. అందులో తమన్‌ గిటారు నుండి మంటలు వస్తున్నాయి. అందులో ఏముంది అంటారా? నన్ను ట్రోల్‌ చేసేవారికి, నా మీద నెగిటివిటీ చూపించేవారికి ఇదే నా సమాధానం అంటూ ఆ వీడియోను ట్వీట్ చేశాడు తమన్‌.
చూడటానికి ఏదో సరదా వీడియోలాగా కనిపించినా.. అందులో తమన్‌ కోపం, ఆవేశం కనిపిస్తున్నాయి అంటున్నారు అతని ఫ్యాన్స్‌. అయినదానికి, కాని దానికి తమన్‌ మీద నోరేసుకుపడిపోయేవాళ్ల కోసం తన వర్క్‌ సమాధానం చెబుతుందని, మాటలు అంటే పడేది లేదని నిప్పులు కురిపిస్తాడని ఫ్యాన్స్‌ అంటున్నారు. దానికి సింబాలిక్‌గానే తమన్‌ ఆ వీడియో ట్వీట్ చేశాడని చెబుతున్నారు. తమన్‌ కనిపించిన ప్రతి హీరోను తన అభిమాన హీరో అంటాడు అంటూ ఇటీవల ట్రోలింగ్‌ మొదలైంది.
ఎక్కువమంది హీరోలను అభిమానించకూడదా అంటూ తమన్‌ ఫ్యాన్స్‌ వారికి కౌంటర్‌ వేస్తున్నా.. వాళ్లు ఆగడం లేదు. ఇక తమన్‌ మ్యూజిక్‌, పాటలు కాపీ అంటూ ట్వీట్ల వర్షం కురుస్తూనే ఉంటుంది. దానికి తమన్‌ తొలుత చాలా కూల్‌గా ఆన్సర్‌ చేశాడు. అయితే ఇప్పుడు ఇలా వీడియోతో సమాధానం చెప్పాడు. అయితే తమన్‌ తన తర్వాతి సినిమాకు అదిరిపోయే సంగీతం అందించే పనిలో ఉన్నాడని..
దానిని ఉద్దేశిస్తూనే ఈ ఫైర్‌ వీడియో ట్వీట్ చేశాడని ట్రోలింగ్‌, పంచ్‌లు ఇష్టపడని ఫ్యాన్స్‌ అంటున్నారు. ఏదేమైనా తమన్‌ కౌంటర్‌ అయితే అదిరిపోయింది. ఎవరిని ఉద్దేశించి అన్నాడు అనేది క్లారిటీ లేకపోయినా.. పంచ్‌ మాత్రం బలంగతా పడింది అని చెబుతున్నారు.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
