నేచురల్ స్టార్ నాని (Nani), దర్శకుడు శ్రీకాంత్ ఓదెల కలయికలో ‘దసరా’ వంటి సూపర్ హిట్ మూవీ తర్వాత రూపొందిన మరో యాక్షన్ మూవీ ‘ది పారడైజ్’ (The Paradise). ‘ఎస్ ఎల్ వి సినిమాస్’ సంస్థపై సుధాకర్ చెరుకూరినే ఈ చిత్రాన్ని కూడా నిర్మిస్తున్నారు. నాని కెరీర్లో హయ్యెస్ట్ బడ్జెట్ తో రూపొందుతున్న సినిమా ఇది. ఆల్మోస్ట్ రూ.150 కోట్ల బడ్జెట్ తో ఈ చిత్రాన్ని రూపొందిస్తున్నట్టు ప్రచారం జరిగింది. అనిరుథ్ సంగీతం అందించాడు. మోహన్ బాబు వంటి స్టార్స్ కూడా ఈ సినిమాలో అత్యంత కీలక పాత్రలు పోషిస్తుండటంతో మొదటి నుండి సినిమాపై మంచి బజ్ ఏర్పడింది.
అలాగే టైటిల్ గ్లింప్స్, ‘ఆయా షేర్’ సాంగ్ వంటి ప్రమోషనల్ కంటెంట్ సినిమాపై హైప్ ఏర్పడేలా చేసింది. తాజాగా టీజర్ ను కూడా విడుదల చేశారు. ‘ది పారడైజ్’ టీజర్ 1:46 నిమిషాల నిడివి కలిగి ఉంది. ‘ఇక నుంచి ఈ జాగా మనది, ఈ దేశం ఎవరిది?’ అంటూ హీరో నాని ఆవేదనతో జనం ముందు అరుస్తున్నాడు. ఆ తర్వాత ‘మేరే ప్యారే పారడైజ్ వాసియో…’ అంటూ మోహన్ బాబు పాత్ర ఎంట్రీ ఇచ్చింది. ‘సర్కార్ ఉన్నది మీ దొరల కోసమా లేక మీ జనం కోసమా?’ అంటూ ఓ ఫీమేల్ ఆర్టిస్ట్ తో డైలాగ్ చెప్పించారు. అది బహుశా హీరోయిన్ పాత్రతో అయ్యుండొచ్చు. టీజర్ మొత్తం యాక్షన్, రక్తం, కత్తులు, మారణాయుధాలతో నిండి ఉంది.
కథా నేపథ్యం గురించి ఎటువంటి హింట్ ఇచ్చింది లేదు. కానీ ఓ వర్గాన్ని కొంతమంది దొరలు అణగదొక్కుతున్న టైంలో హీరో ఓ పవర్ఫుల్ లీడర్ గా ఎదుగుతాడేమో అనిపిస్తుంది. నాని (Nani) ఎమోషనల్ గా అరుస్తూ చెప్పే డైలాగులకి.. ఎందుకో అతని వాయిస్ సెట్ అయినట్టు అనిపించలేదు. విజువల్స్, ఆర్ ఆర్ బాగున్నాయి. మొత్తంగా దర్శకుడు శ్రీకాంత్ ఓదెల చెప్పినట్టు ‘తగలబడే..’ రేంజ్లో అయితే టీజర్ అనిపించలేదు. మీరు కూడా ఓ లుక్కేయండి :
