స్టార్ హీరో బాలకృష్ణ, దర్శకుడు శ్రీవాస్ కాంబినేషన్ లో ఒక సినిమా తెరకెక్కనుందని జోరుగా వార్తలు ప్రచారంలోకి వచ్చిన సంగతి తెలిసిందే. అయితే ఈ ప్రాజెక్ట్ కు సంబంధించిన అధికారిక ప్రకటన వెలువడముందే గోపీచంద్ శ్రీవాస్ కాంబినేషన్ లో ఒక మూవీ తెరకెక్కనున్నట్టు ప్రకటన వచ్చింది. బాలకృష్ణ వరుసగా సినిమాలతో బిజీగా ఉండటం వల్లే బాలయ్య శ్రీవాస్ కాంబో మూవీకి బ్రేకులు పడ్డాయని సమాచారం.
శ్రీవాస్ చెప్పిన కథ బాలయ్యకు నచ్చినా ప్రస్తుతం అఖండ సినిమాలో నటిస్తున్న బాలకృష్ణ ఈ సినిమా తరువాత గోపీచంద్ మలినేని డైరెక్షన్ లో ఒక సినిమాలో, అనిల్ రావిపూడి డైరెక్షన్ లో మరో సినిమాలో నటిస్తున్నారు. ఈ రెండు సినిమాలు పూర్తి కావడానికి కనీసం ఏడాది సమయం పడుతుంది. అప్పటివరకు ఎదురు చూడటం ఇష్టం లేక శ్రీవాస్ గోపీచంద్ తో సినిమా తెరకెక్కించడానికి సిద్ధమైనట్టు తెలుస్తోంది.
గోపీచంద్, శ్రీవాస్ కాంబినేషన్ లో లక్ష్యం, లౌక్యం సినిమాలు తెరకెక్కగా ఈ రెండు సినిమాలు బాక్సాఫీస్ వద్ద బ్లాక్ బస్టర్ హిట్లుగా నిలిచాయి. ప్రస్తుతం తెరకెక్కించనున్న సినిమాతో గోపీచంద్, శ్రీవాస్ హ్యాట్రిక్ సాధిస్తారేమో చూడాల్సి ఉంది. శ్రీవాస్ గోపీచంద్ తో బాలయ్యకు చెప్పిన కథతోనే సినిమాను తెరకెక్కిస్తున్నారా లేక మరో కథతో సినిమాను తెరకెక్కిస్తున్నారా అనే ప్రశ్నకు సమాధానం తెలియాల్సి ఉంది. పీపుల్స్ మీడియా ఫ్యాక్టరీపై ఫీల్ గుడ్ ఎంటర్టైనర్ గా ఈ మూవీ తెరకెక్కనుండటం గమనార్హం. భవిష్యత్తులో శ్రీవాస్ బాలయ్య కాంబోలో మూవీ వస్తుందేమో చూడాల్సి ఉంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
