జనవరి నెల చూసుకుంటే.. కరెక్ట్ గా సంక్రాంతి టైమ్లో తప్ప మిగిలిన రోజుల్లో వేరే సినిమాల హడావిడి ఏమీ కనిపించలేదు. సంక్రాంతి సినిమాల హవా ముగిసిన వెంటనే.. చాలా ఏరియాల్లో జనాలు లేక ధియేటర్లు వెలవెలబోయాయి. కొన్ని చోట్ల ధియేటర్లు కూడా మూతబడ్డాయి. ఫిబ్రవరిలో పెద్ద సినిమా ఏమీ రాలేదు. మార్చి నెల చివర్లో ‘ఉస్తాద్ భగత్ సింగ్’ రానుంది. ఏప్రిల్ లో ‘పెద్ది’ రానుంది. సో మార్చి ఎండింగ్ వరకు మూతబడ్డ ధియేటర్లు తెరుచుకునే అవకాశం లేనట్టే అని చెప్పాలి.
సరే.. పెద్ద సినిమాలు వస్తుంటే.. ఆడియన్స్ కి, ధియేటర్ ఓనర్స్ కి బాగానే ఉన్నప్పటికీ.. మేకర్స్ కి ముఖ్యంగా నిర్మాతలకి కొత్త టెన్షన్లు మొదలవుతాయి. కాపీ టైమ్..కి వెళ్ళిందా? లేదా? అనేది ఒకరకం అయితే.. ఇంకో రకం టికెట్ రేట్లు. అవును పెద్ద సినిమా అన్నాక బడ్జెట్ ఎక్కువ పెట్టాల్సి వస్తుంది. సో వీకెండ్ ఓపెనింగ్స్ చాలా కీలకం. వాటి కోసం అదనంగా టికెట్ రేట్లు, అదనపు షోలకి అనుమతులు తెచ్చుకోవాలి.
సంక్రాంతి టైమ్లో ‘ది రాజాసాబ్’ వంటి పెద్ద సినిమాకి టికెట్ హైకులు, ప్రీమియర్ షోలకి అనుమతులు టైమ్..కి రాలేదు. చెప్పాలంటే ప్రీమియర్ షోలకి టికెట్ హైక్సే లేవు తెలంగాణలో..! మరోవైపు ‘మన శంకర వరప్రసాద్ గారు’ కి టికెట్ హైక్స్ లభించినప్పటికీ.. తర్వాత కేసులు పడ్డాయి. సో ‘ఉస్తాద్ భగత్ సింగ్’ ‘పెద్ది’ సినిమాల విషయంలో మేకర్స్ ఇప్పటి నుండి అలర్ట్ గా ఉండాలి. లేదు అంటే అభిమానులు సైతం కనికరించరు.
