‘కె జి ఎఫ్’ ‘కె జి ఎఫ్ 2’ సినిమాలతో పాన్ ఇండియా ఇమేజ్ సంపాదించుకున్న యష్ (Yash) .. ఆ తర్వాత ఆల్మోస్ట్ 4 ఏళ్ళు గ్యాప్ తీసుకుని ‘టాక్సిక్’ (Toxic) తో ప్రేక్షకుల ముందుకు వస్తున్నాడు. టీజర్, ట్రైలర్స్ ఆడియన్స్ ను ఆకట్టుకోలేదు. కానీ అవి బాగా వైరల్ అయ్యాయి. అందుకు కారణం బోల్డ్ సన్నివేశాలు ఎక్కువగా ఉండటం. గతంలో ఇలాంటి కంటెంట్ తో వచ్చిన ‘యానిమల్’ వంటి సినిమాలు బాక్సాఫీస్ వద్ద వెయ్యి కోట్లు కలెక్ట్ చేసిన సందర్భాలు ఉన్నాయి. కాబట్టి ‘టాక్సిక్’ (Toxic) చిత్రాన్ని తక్కువ అంచనా వేయడానికి లేదు.
అందుకే బయ్యర్స్ పోటీబడి మరీ ‘టాక్సిక్’ (Toxic) థియేట్రికల్ హక్కులను భారీ రేట్లు పెట్టి కొనుగోలు చేశారు. వాటి వివరాలను అలాగే బ్రేక్ ఈవెన్ టార్గెట్ డీటెయిల్స్ ను ఓ లుక్కేద్దాం రండి :
| నైజాం | 45 cr |
| సీడెడ్ | 15 cr |
| ఆంధ్ర(టోటల్) | 45 cr |
| కర్ణాటక | 100 cr |
| తమిళనాడు | 45 cr |
| కేరళ | 15cr |
| నార్త్ | 75 cr |
| రెస్ట్ ఆఫ్ ఇండియా | 15 cr |
| ఓవర్సీస్ | 70 cr |
| వరల్డ్ వైడ్ టోటల్ | 425 cr(షేర్) |
‘టాక్సిక్’ (Toxic) చిత్రానికి వరల్డ్ వైడ్ గా రూ.425 కోట్ల థియేట్రికల్ బిజినెస్ జరిగింది. బ్రేక్ ఈవెన్ కోసం రూ.430 కోట్ల వరకు షేర్ ను కలెక్ట్ చేయాల్సి ఉంది. తెలుగు రాష్ట్రాల్లోనే ఈ సినిమా ఏకంగా రూ.105 కోట్ల బిజినెస్ చేసింది. అందులో రూ.50 కోట్ల వరకు రిటర్నబుల్ అడ్వాన్స్ ఉందని వినికిడి. ఏదేమైనా వరల్డ్ వైడ్ రూ.430 కోట్ల బ్రేక్ ఈవెన్ టార్గెట్ అంటే చిన్న విషయం కాదు. సినిమాకి ఏమాత్రం పాజిటివ్ టాక్ వచ్చినా వీకెండ్..కే 70 శాతం రికవరీ సాధించే అవకాశం ఉంటుంది. మొదటి రోజు ఈ సినిమా వరల్డ్ వైడ్ రూ.100 కోట్లకు పైగా గ్రాస్ వసూళ్ళు సాధించే అవకాశాలు కనిపిస్తున్నాయి.
