నేచురల్ స్టార్ నాని(Nani) స్క్రిప్ట్ సెలక్షన్ ఎప్పుడూ వైవిధ్యంగానే ఉంటుంది. కథలతోనే కాదు కాస్టింగ్ పరంగా కూడా సర్ప్రైజ్ చేస్తుంటాడు. ఇప్పుడు తన అప్ కమింగ్ సినిమా కోసం ఓ బోల్డ్ బ్యూటీని ఎంపిక చేసుకుని వార్తల్లో నిలిచాడు. అవును నాని హీరోగా ఓ పాన్ ఇండియా ప్రాజెక్టు సెట్స్ పైకి వెళ్లనుంది. అందులో త్రిప్తి దిమ్రి ఎంపికైనట్టు సమాచారం.’యానిమల్’ సినిమాతో ఓవర్ నైట్ స్టార్ గా మారిపోయిన బాలీవుడ్ బ్యూటీ త్రిప్తి దిమ్రి తో రొమాన్స్ చేసేందుకు రెడీ అయ్యాడు నాని.
కొన్నాళ్లుగా నాని హిందీ మార్కెట్ (నార్త్ బెల్ట్) పై కూడా ప్రత్యేక దృష్టి పెట్టాడు.అందుకే తృప్తిని తన సినిమాలో మెయిన్ లీడ్ గా తీసుకునేందుకు రెడీ అయ్యాడు.
ప్రస్తుతం ఆమె సందీప్ రెడ్డి వంగా – ప్రభాస్ కాంబినేషన్ లో రూపుదిద్దుకుంటున్న ‘స్పిరిట్’లో నటిస్తుంది. ఈ సినిమాలో ఆమె మెయిన్ హీరోయిన్ అయినప్పటికీ… ఎక్కువ స్క్రీన్ స్పేస్ ఉండదు అనే టాక్ ఉంది. కానీ నాని నెక్స్ట్ సినిమాలో మాత్రం ఆమె ఫుల్ లెంగ్త్ హీరోయిన్ గా నటించబోతుందట.
త్రిప్తితో పాటు ఈ ప్రాజెక్టులో మరో బిగ్ సర్ప్రైజ్ కూడా ఉందట. ఈ ప్రాజెక్టులో మరో కీలక పాత్ర కోసం అలనాటి బాలీవుడ్ బ్యూటీ మాధురి దీక్షిత్ ను సంప్రదిస్తున్నట్లు తెలుస్తుంది. అయితే నాని కొత్త ప్రాజెక్టుకి సంబంధించిన దర్శకుడు, నిర్మాణ సంస్థ వంటి వివరాలు త్వరలో వెల్లడిస్తారట. కచ్చితంగా అది పాన్ ఇండియా సినిమాగా తెరకెక్కబోతుందని ఫిల్మ్ నగర్ వర్గాల సమాచారం.
