ఇళయ దళపతి విజయ్ లాంటి కోలీవుడ్ టాప్ స్టార్ ఇన్నాళ్టికి టాలీవుడ్ ఎంట్రీ ఇవ్వడమేంటి?.. అగ్ర నిర్మాత దిల్ రాజు అక్షరాలా రూ.100 కోట్ల పారితోషికం ఆఫర్ చేసి మరీ.. వంశీ పైడిపల్లి కాంబోలో సినిమా ప్రకటించడం.. ముందునుండి ఇది పక్కా తమిళ్ సినిమా అని చెప్పుకొస్తున్న మేకర్స్ అక్కడ ‘వరిసు’, తెలుగులో ‘వారసుడు’ అనే టైటిల్ పెట్టినప్పుడే ఏదో విషయం ఉండే ఉంటుందిలే అనుకున్నారు.. పోస్టర్లు పర్వాలేదనిపించినా..
కొన్ని వర్కింగ్ స్టిల్స్ చూస్తే.. మహేష్ బాబుతో వంశీ పైడిపల్లి చేసిన ‘మహర్షి’ మూవీని రీమేక్ చేస్తున్నారా ఏంటి? అనే డౌట్ వచ్చింది.. ఎవరేమనుకున్నా డోంట్ కేర్ అన్నట్టు దిల్ రాజు తమిళనాట గ్రాండ్ ప్రీ రిలీజ్ ఈవెంట్ చేశారు. త్వరలో తెలుగులోనూ ఫంక్షన్ ప్లాన్ చేస్తున్నారు. ఇదిలా ఉంటే రీసెంట్‌గా ‘వరిసు’ తమిళ్ ట్రైలర్ రిలీజ్ చేశారు. దళపతి ఫ్యాన్స్‌కి, తమిళ తంబీలకి ఈ ట్రైలర్ కొత్తగా అనిపించొచ్చేమో కానీ మన తెలుగు ప్రేక్షకులు మాత్రం పెదవి విరుస్తున్నారు.
నెట్టింట విజయ్, దిల్ రాజు, వంశీలను ఓ రేంజ్‌లో ఆటాడేసుకుంటున్నారు. ఇన్నాళ్లూ ఒక్క ‘మహర్షి’నే అనుకున్నాం.. ట్రైలర్ చూస్తే.. ‘శ్రీమంతుడు’, ‘బృందావనం’ తో పాటు పేరు గుర్తుకు రాని మరికొన్ని సినిమాలు కళ్లముందు కనిపిస్తున్నాయి.. ఇంతోటి దానికి విజయ్‌ని తెలుగుకి తీసుకు రావాలా?.. చిరంజీవి, బాలయ్య లాంటి సీనియర్ స్టార్లను పక్కన పెట్టి తెలుగునాట ‘వారసుడు’ కి ఎక్కువ థియేటర్లు కేటాయించాలా? అంటూ కామెంట్స్ చేస్తున్నారు..
విజయ్ పక్కన రష్మిక మందన్న కథానాయిక కాగా సహజనటి జయసుధ, శరత్ కుమార్, ఖుష్బూ, శ్రీకాంత్, సంగీత, ప్రకాష్ రాజ్, కిక్ శ్యామ్, సుమన్, ప్రభు, నందిని రాయ్, యోగిబాబు లాంటి భారీ తారాగణంతో, భారీ బడ్జెట్‌తో తెరకెక్కించిన ‘వరిసు’ మరియు ‘వారసుడు’ సంక్రాంతి కానుకగా ప్రపంచవ్యాప్తంగా భారీ స్థాయిలో విడుదల కానుంది.. తెలుగు ట్రైలర్ వచ్చాక మన ప్రేక్షకుల రెస్పాన్స్ ఏంటనేది చూడాలి మరి..
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
