‘సూర్య వంశం’, ‘కలిసుందాం రా’, ‘మల్లీశ్వరి’, ‘ఆడవారి మాటలకు అర్థాలు వేరులే’… వెంకటేశ్‌ నుంచి వచ్చిన సూపర్‌ హిట్‌ సినిమాల్లో కొన్ని ఇవీ. వీటన్నింటిలో కామన్‌ పాయింట్ ఫ్యామిలీ యాక్షన్‌ డ్రామా. వెంకీకి బాగా నప్పే కథలు ఇవీ. చాలా రోజుల తర్వాత వెంకీ మరోసారి ఇలాంటి సినిమా చేయడానికి రెడీ అవుతున్నాడట. ‘పెళ్ళి చూపులు’, ‘ఈ నగరానికి ఏమైంది’ వంటి డిఫరెంట్ సినిమాలతో ఆకట్టుకున్న తరుణ్‌ భాస్కర్‌ ఈ సినిమాకు దర్శకత్వం వహించబోతున్నాడు.
వెంకటేశ్‌ – తరుణ్‌ భాస్కర్‌ కాంబోలో ఓ సినిమా ఉంటుందని చాలా రోజుల క్రితమే వార్తలొచ్చాయి. ‘పెళ్ళి చూపులు’ టైమ్‌లోనే వినిపించాయి. అయితే ఆ తర్వాత ఆ ఊసుల ముచ్చటే లేదు. అయితే ఇటీవల మళ్లీ ఆ కాంబో చర్చలోకి వచ్చింది. ఇప్పుడు ఆ సినిమా పాయింట్ కూడా బయటికొచ్చేసింది. అన్నీ కుదిరితే ఈ ఏడాది ఆఖరులో సినిమా పట్టాలెక్కుతుందట. ప్రస్తుతం వెంకటేశ్‌ ‘నారప్ప’, ‘ఎఫ్‌ 3’ సినిమాల పనిలో ఉన్నారు. ఈ రెండూ అయ్యాక తరుణ్‌ భాస్కర్‌ సినిమా మొదలుపెడతాడట.
మరోవైపు కథను పూర్తిస్థాయిలో సిద్ధం చేసే పనిలో ఉన్నాడట తరుణ్‌ భాస్కర్‌. రెండు నెలల్లో అన్ని పనులు పూర్తి చేసుకొని సినిమాను సెట్స్‌పైకి ఎక్కించాలని నిర్మాత సురేశ్‌ బాబు ప్రయత్నాలు చేస్తున్నారు. ఈ సినిమా కోసం తరుణ్‌ భాస్కర్‌ చాలా రోజులుగా వేరే ఏ సినిమా కూడా ఓకే చేయలేదు. మరి వెంకీ కాంబోలో ఏం చూపిస్తాడో చూడాలి.
Most Recommended Video
జాంబీ రెడ్డి సినిమా రివ్యూ & రేటింగ్!
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా
శృతీ ఈ సినిమాలను రిజెక్ట్ చేసి మంచి పనే చేసిందా..?
