ఇప్పుడు టాలీవుడ్లో స్టార్ కమెడియన్ ఎవరంటే టక్కున వినిపించే పేరు వెన్నెల కిశోర్(Vennela Kishore). తనదైన కామెడీ టైమింగ్తో నవ్వించగలగడం అతని స్పెషాలిటీ. స్టార్ హీరోల సినిమాల్లో వెన్నెల కిషోర్ నటిస్తూ బిజీగా గడుపుతున్నాడు.
హీరో పక్కనే ఉండే పాత్రలకి వెన్నెల కిశోర్ ఫస్ట్ ఛాయిస్. మిడ్ రేంజ్ సినిమాలకి అతని డేట్స్ దొరకడం కూడా కష్టంగా ఉంది. ఇదిలా ఉంటే.. వెన్నెల కిశోర్ గురించి అటు ఇండస్ట్రీలోనూ, ఇటు సోషల్ మీడియాలోనూ ఓ మేజర్ కంప్లైంట్ ఉంది.
అతను సినిమా షూటింగ్ సమయంలో ఇచ్చే సహకారం ప్రమోషన్ల వద్దకి వచ్చేసరికి ఉండటం లేదు అనేది ఆ కంప్లైంట్ సారాంశం. సినిమా రిలీజ్..కి ముందు చేసే ప్రెస్ మీట్లు, ఇంటర్వ్యూలు లేదా ప్రీ-రిలీజ్ ఈవెంట్లలో వెన్నెల కిశోర్ ఎక్కువగా కనిపించడు. ‘నటుడిగా తన బాధ్యత నిర్వర్తించడం మాత్రమే తప్ప ప్రమోషన్లు తన బాధ్యత కాదన్నట్లుగా’ వెన్నెల కిషోర్ వ్యవహరిస్తారనే విమర్శలు కూడా వినిపిస్తుంటాయి.ఒకవేళ ప్రమోషన్స్ కి హాజరైనా… అది సక్సెస్ ఫుల్ సినిమాలకి మాత్రమే.
అంటే సినిమా రిలీజ్ అయ్యి, థియేటర్లలో ‘హిట్ టాక్’ తెచ్చుకున్న తర్వాత సక్సెస్ మీట్లు వంటివి పెడితే వెన్నెల కిశోర్ హాజవుతాడు అనే ప్రచారం కూడా జరుగుతుంటుంది.ఇక తాజాగా ‘రాకాస’ రిలీజ్ అయ్యింది. హిట్ టాక్ తెచ్చుకుంది.ఇందులో వెన్నెల కిశోర్ కూడా కీలక పాత్ర పోషించాడు. ఇక ఈరోజు సక్సెస్ మీట్ ఏర్పాటు చేశారు. దీనికి వెన్నెల కిశోర్ హాజరయ్యాడు. అయితే గెటప్ శ్రీను వంటివి వాళ్ళు ‘అన్న ప్రమోషన్స్ కి వస్తుండు’ అంటూ సెటైర్లు వేయడం గమనార్హం.
గతేడాది ‘సింగిల్’ సినిమా సక్సెస్ మీట్ కి కూడా వెన్నెల కిశోర్ హాజరయ్యి సందడి చేశాడు. సో వెన్నెల కిశోర్ ప్రమోషన్స్ కి రావాలంటే అది హిట్ సినిమాలకే అని వీటితో అర్దం చేసుకోవచ్చు.
