విజయ్ దేవరకొండ హీరోగా తెరకెక్కుతున్న ‘ఖుషి’ చిత్రం విడుదల కావాల్సి ఉంది. సమంత హీరోయిన్ గా నటిస్తున్న ఈ చిత్రం షూటింగ్ దాదాపు కంప్లీట్ అయిపోయింది. అయితే చాలా సైలెంట్ గా తన 12వ సినిమాని కూడా పూజా కార్యక్రమాలతో మొదలుపెట్టాడు విజయ్. ఇప్పుడు అంతే సైలెంట్ గా మొదటి షెడ్యూల్ ను కూడా స్టార్ట్ చేసేశాడు. ‘జెర్సీ’ ఫేమ్ గౌతమ్ తిన్ననూరి దర్శకత్వంలో వస్తున్న ఈ పీరియాడికల్ డ్రామాలో శ్రీలీల హీరోయిన్ గా నటిస్తోంది.
‘సితార ఎంటర్‌టైన్‌మెంట్స్’, ‘ఫార్చ్యూన్ ఫోర్ సినిమాస్’ కలిసి నిర్మిస్తున్న ఈ చిత్రాన్ని ‘శ్రీకర స్టూడియోస్’ సమర్పిస్తుంది. ఇక ఈ చిత్రం షూటింగ్లో భాగంగా ఈరోజు మొదటి షెడ్యూల్ ను సారధి స్టూడియోస్ లో ప్రారంభించారు. అనిరుధ్ రవిచందర్ ఈ సినిమాకి సంగీతం అందిస్తున్నాడు. ఇక ఈ చిత్రంలో విజయ్ దేవరకొండ పోలీస్ పాత్రలో కనిపించబోతున్నాడని స్పష్టమవుతుంది. ‘గన్ పట్టుకొని విజయ్(Vijay Devarakonda) చాలా ఇంటెన్స్ గా కనిపిస్తున్న’ పోస్టర్ ఒకటి ఇప్పుడు నెట్టింట్లో చర్చ జరుగుతుంది.
శరవేగంగా ఈ చిత్రం షూటింగ్ ను కంప్లీట్ చేసి విడుదల చేయాలని చిత్ర బృందం భావిస్తుంది. గౌతమ్ తిన్ననూరి గత చిత్రాలు అయిన ‘మళ్ళీ రావా’ ‘ జెర్సీ’ కి పూర్తి విభిన్నంగా ఈ చిత్రం రూపొందుతుందని తెలుస్తుంది. పాన్ ఇండియా మూవీగా రూపొందుతున్న ఈ చిత్రాన్ని తెలుగుతో పాటు తమిళ, కన్నడ, మలయాళ, హిందీ భాషల్లో ఏకకాలంలో విడుదల చేయాలని చిత్ర బృందం భావిస్తున్నట్లు తెలుస్తోంది.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
