‘భగీరథ’ ‘షాక్’ సినిమాల ఫలితాలతో రవితేజ డల్ అయిన టైమ్ అది. సైలెంట్ గా రాజమౌళి దర్శకత్వంలో ‘విక్రమార్కుడు'(Vikramarkudu) చేశాడు. మొదట ఈ సినిమాపై పెద్దగా అంచనాలు లేవు.కేవలం మౌత్ టాక్ పై ఆదారపడి 2006 జూన్ 23న ప్రేక్షకుల ముందుకు వచ్చింది ఈ చిత్రం. ‘శ్రీ కీర్తి క్రియేషన్స్’ బ్యానర్ పై ఎం.ఎల్.కుమార్ చౌదరి నిర్మించిన ఈ సినిమాలో అనుష్క హీరోయిన్. అప్పటికి అనుష్కకి సరైన సక్సెస్ కూడా లేదు. ఈ ప్రాజెక్టుకి ఆ టైమ్లో ఇదొక నెగిటివ్ వైబ్ అనుకోవాలి.
అయితే మొదటి షోతోనే సూపర్ హిట్ టాక్ ను సొంతం చేసుకుంది ‘విక్రమార్కుడు’ సినిమా. అత్తిలి సత్తిబాబుగా కామెడీ పండించడమే కాకుండా విక్రమ్ సింగ్ రాథోడ్ వంటి సీరియస్ రోల్లో చాలా పవర్ఫుల్ గా ఈ సినిమాలో అలరించాడు రవితేజ.
అజయ్ విలనిజం కూడా ఈ సినిమాకి మేజర్ ప్లస్ పాయింట్ అయ్యింది. కీరవాణి బ్యాక్ గ్రౌండ్ స్కోర్, బ్రహ్మానందం కామిడీ కూడా ఈ సినిమా సక్సెస్లో కీలక పాత్ర పోషించాయి.నేటితో ఈ సినిమా రిలీజ్ అయ్యి 20 ఏళ్ళు పూర్తి కావస్తోంది. ఈ సందర్భంగా ఒకసారి ఈ సినిమా బాక్సాఫీస్ కలెక్షన్స్ ను ఓ లుక్కేద్దాం రండి :
| నైజాం | 5.94 cr |
| సీడెడ్ | 1.96 cr |
| ఉత్తరాంధ్ర | 2.06 cr |
| ఈస్ట్ | 0.97 cr |
| వెస్ట్ | 0.92 cr |
| గుంటూరు | 1.66 cr |
| కృష్ణా | 1.42 cr |
| నెల్లూరు | 0.76 cr |
| ఏపీ + తెలంగాణ (టోటల్) | 15.69 cr |
| రెస్ట్ ఆఫ్ ఇండియా + ఓవర్సీస్ | 3.26 cr |
| వరల్డ్ వైడ్ (టోటల్) | 18.95 cr |
‘విక్రమార్కుడు’ చిత్రం రూ.11.93 కోట్ల బ్రేక్ ఈవెన్ టార్గెట్ తో బరిలోకి దిగింది. ఫుల్ రన్ ముగిసేసరికి బాక్సాఫీస్ వద్ద ఏకంగా రూ.18.95 కోట్ల షేర్ ను రాబట్టింది. రూ.7.02 కోట్ల లాభాలతో బయ్యర్లని సేవ్ చేయడమే కాకుండా బ్లాక్ బస్టర్ అనిపించుకుంది.
