పవన్‌ కళ్యాణ్‌ – హరీశ్‌ శంకర్ కాంబినేషన్‌లో ఓ సినిమా రూపొందుతున్న విషయం తెలిసిందే. ఈ సినిమా గురించి అధికారికంగా ఎలాంటి సమాచారం రాకపోతుండటంతో అభిమానులు తమకు తోచిన అప్‌డేట్స్‌, సలహాలు – సూచనలు సోషల్‌ మీడియాలో ఇచ్చేస్తున్నారు. ఈ క్రమంలో ఆ మద్య ఓ అమ్మాయి ఫొటో ట్విటర్‌లో ట్రెండింగ్‌ అయ్యింది. ఈ భామ పవన్‌ – హరీశ్‌ సినిమాలో హీరోయిన్‌ అని అనేసుకున్నారు. అయితే ఆ భామ ఇప్పుడు హీరోయిన్‌గా తెలుగులోకి వచ్చింది. అయితే పవన్‌తో కాదు.
పవన్‌ హీరోయిన్‌ అని అందరూ అనుకున్న అమ్మాయి పేరు మానస రాధాకృష్ణన్‌. మలయాళంలో ఇప్పుడిప్పుడే నటిస్తున్న కుర్ర నాయిక. అయితే ఈమెను సినిమాలోకి తీసుకోలేదు అంటూ అప్పుడు హరీశ్‌ శంకర్ క్లారిటీ ఇచ్చాడు. అంటే ఒక విధంగా ఆమెను రిజెక్ట్‌ చేశాడు. అలా ఆమెను తెలుగు తెరపై మిస్‌ అయిన ప్రేక్షకులు… త్వరలో చూడొచ్చు. అయితే పవన్‌ సరసన కాదు… ఆనంద్ దేవరకొండ సరసన.
ఆనంద్ దేరవకొండ కథానాయకుడిగా ‘హైవే’ పేరుతో ఓ సినిమా తెర‌కెక్కుతున్న విషయం తెలిసిందే. కేవీ గుహ‌న్ ఈ చిత్రాన్ని తెరకెక్కిస్తున్నారు. అందులోనే మానసను కథానాయికగా ఎంచుకున్నారట. ‘118’ త‌ర్వాత గుహ‌న్ ‘డ‌బ్ల్యూడ‌బ్ల్యూడ‌బ్ల్యూ’ అనే సినిమా చేశారు. ఆ సినిమా త్వరలో వస్తుంది. ఈలోపు కొత్త సినిమా మొదలుపెట్టేశారాయన. మరోవైపు ఆనంద్ దేవరకొండ చేసిన ‘పుష్పక విమానం’ విడుదలకు సిద్ధంగా ఉంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
