శ్రీవిష్ణు హీరోగా తెరకెక్కిన ‘విష్ణు విన్యాసం'(Vishnu Vinyasam) సినిమా ఫిబ్రవరి 28న రిలీజ్ కానుంది. యదునాథ్ మారుతీరావు ఈ చిత్రానికి దర్శకత్వం వహించారు. నయన్ సారిక ఇందులో శ్రీవిష్ణుకి జోడీగా నటిస్తుంది. ‘అల్లుడు అదుర్స్’ ‘హరోం హర’ వంటి చిత్రాలు నిర్మించిన సుమంత్ నాయుడు జి ఈ చిత్రాన్ని నిర్మించారు. మొదటి నుండి ఈ సినిమాపై పెద్దగా అంచనాలు అయితే లేవు. రిలీజ్ డేట్ దగ్గర పడుతున్న నేపధ్యంలో బజ్ క్రియేట్ చేసుకునేందుకు టీజర్ ను వదిలారు.
‘విష్ణు విన్యాసం’ టీజర్ విషయానికి వస్తే.. ఇది 2 నిమిషాల 1 సెకండ్ నిడివి కలిగి ఉంది. హీరోయిన్ హీరోకి వోడ్కా పోస్తున్నప్పుడు ‘వద్ధు వేడిచేస్తుంది’ అనే శ్రీవిష్ణు మార్క్ ఫన్ డైలాగ్ తో టీజర్ మొదలైంది. ఇందులో హీరో తండ్రికి డబ్బు పిచ్చి. హీరోకి వాస్తు పిచ్చి. ఇలాంటి హీరో జీవితంలోకి ఒక అమ్మాయి వస్తుంది. హీరోని ప్రేమలో పడేస్తుంది. అతనితో రొమాన్స్ చేసి… బానిసగా మార్చేసుకుంటుంది.
‘లిప్ కిస్ ఏంట్రా ఇంత యమ్మిగా ఉంది.. ఒరేయ్ కుర్ర నా…ల్లారా? మీ ఆత్రం నాకు ఇప్పుడు ఆర్డమైంది రా’ అంటూ శ్రీవిష్ణు మార్క్ పంచ్ డైలాగ్ ఆకట్టుకునే విధంగా ఉంది. తర్వాత హీరోయిన్ హీరో వద్ద ‘నీకు తెలిసిన వాళ్ళలో ఎవరోకరిని ఇచ్చి నాకు పెళ్లి చేస్తావా?’ అని అడగడం సినిమాలోని కాన్ఫ్లిక్ట్ పాయింట్ కి లీడ్ ఇచ్చినట్టు అయ్యింది. టీజర్లో ఉన్న కామిడీ అంతా ఫోర్స్ద్ గా అనిపించింది. మీరు కూడా ఓ లుక్కేయండి :
