మహాశివరాత్రి పండుగ కానుకగా రిలీజ్ కానున్న గామి సినిమాపై అంచనాలు అంతకంతకూ పెరుగుతుండగా ప్రభాస్ గామి ట్రైలర్ గురించి పాజిటివ్ గా స్పందించడంతో ఫ్యాన్స్ లో ఈ సినిమాపై మరింత ఆసక్తి పెరిగింది. గామి ప్రమోషన్స్ లో భాగంగా విశ్వక్ సేన్ ఈ సినిమా షూటింగ్ కు సంబంధించిన ఆసక్తికర విషయాలను వెల్లడించడం జరిగింది. గ్రీన్ మ్యాట్ షూట్ కోసం 5000 కేజీల ఉప్పును గుట్టలుగా పోశారని ఆయన అన్నారు.
తాను మేకప్ వేసుకుని ఉప్పుగుట్టలు ఎక్కుతుంటే ఆ ఉప్పు దుస్తుల లోనికి వెళ్లేదని విశ్వక్ సేన్ చెప్పుకొచ్చారు. షూటింగ్ సమయంలో ఉప్పు దుస్తుల లోపల ఇబ్బంది పెడుతున్నా భరించానని ఆయన కామెంట్లు చేశారు. ఈ సినిమా కోసం హిమాలయాల దగ్గర గడ్డ కట్టిన నదిపై షూట్ చేయాల్సి వచ్చిందని విశ్వక్ సేన్ పేర్కొన్నారు. ఐస్ కరిగి నీటిలో పడితే 40 కిలోమీటర్ల వరకు కొట్టుకొని పోతామని విశ్వక్ సేన్ చెప్పుకొచ్చారు.
ఆ సీన్ షూట్ సమయంలో ఎంతో భయమేసిందని ఆయన వెల్లడించారు. గామి మూవీ ఎప్పుడొచ్చినా కొత్తగా ఉండే మూవీ అని విశ్వక్ సేన్ తెలిపారు. గామి ఎమోషనల్ ఫిల్మ్ అని ఈ సినిమాలో సెకండాఫ్ ప్రేక్షకులకు ఊపిరాడనివ్వదని ఆయన వెల్లడించారు. ప్రతి సినిమాకు ఒకే విధంగా కష్టపడతానని ఈ సినిమా లుక్ విషయంలో చాలా కేర్ తీసుకున్నానని విశ్వక్ సేన్ పేర్కొన్నారు.
మైనస్ 30 డిగ్రీలలో కూడా ఈ సినిమా షూటింగ్ జరిగిందని ఆయన చెప్పుకొచ్చారు. ఈ సినిమా స్క్రీన్ ప్లే డన్ కిర్క్ స్టైల్ లో ఉంటుందని ఈ సినిమాలో నా పాత్రకు డైలాగ్స్ తక్కువగా ఉంటాయని విశ్వక్ సేన్ వెల్లడించారు. ఈ సినిమా కోసం చాందిని కూడా చాలా కష్టపడిందని ఆయన అన్నారు. ఈ సినిమాను పీసీఎక్స్ ఫార్మాట్ లో కూడా రిలీజ్ చేస్తున్నామని విశ్వక్ సేన్ (Vishwak Sen) తెలిపారు.
ఆపరేషన్ వాలెంటైన్ సినిమా రివ్యూ & రేటింగ్!
భూతద్ధం భాస్కర్ నారాయణ సినిమా రివ్యూ & రేటింగ్!
చారి 111 సినిమా రివ్యూ & రేటింగ్!
