టాలీవుడ్ స్టార్ హీరోలలో ఒకరైన బాలయ్య (Nandamuri Balakrishna) ప్రస్తుతం బాబీ (K. S. Ravindra) సినిమాతో బిజీగా ఉండగా పొలిటికల్ కార్యక్రమాల వల్ల బాలయ్య షూటింగ్ కు బ్రేక్ ఇచ్చారని తెలుస్తోంది. అయితే బాలయ్య సినిమాలో ఛాన్స్ వచ్చినా కొన్ని కారణాల వల్ల విశ్వక్ సేన్ (Vishwak Sen) ఆ ఆఫర్ ను వదులుకున్నారు. అయితే గామి (Gaami) సినిమా ప్రమోషన్స్ లో భాగంగా బాలయ్య మూవీ ఆఫర్ ను రిజెక్ట్ చేయడం గురించి విశ్వక్ సేన్ ఆసక్తికర వ్యాఖ్యలు చేశారు.
బాలయ్యతో మూవీ ఆఫర్ ను నేను వదులుకోలేదని ఆ సినిమాను వదులుకోవాల్సి వచ్చిందని విశ్వక్ సేన్ పేర్కొన్నారు. బాలయ్యతో అంతకంటే మంచి సినిమాలో, అంతకంటే మంచి రోల్ లో చేయాలని నేను అనుకుంటున్నానని ఆయన కామెంట్లు చేశారు. బాలయ్య తన ఫేవరెట్ హీరో అని ఆయనతో చేసే సినిమా సైతం భారీ స్థాయిలోనే ఉండాలని నేను ఫీలవుతానని విశ్వక్ సేన్ అభిప్రాయపడ్డారు.
బాలయ్య మూవీ ఆఫర్ వచ్చిన కథ బాగుందని అయితే తాను అంతకు మించి ఆశిస్తున్నానని విశ్వక్ సేన్ వెల్లడించారు. భవిష్యత్తులో బాలయ్య, విశ్వక్ సేన్ కాంబినేషన్ లో సినిమా ఖాయమని అయితే సినిమా రావడానికి చాలా సమయం పడుతుందని కామెంట్లు వినిపిస్తున్నాయి. బాలయ్య, విశ్వక్ సేన్ కాంబినేషన్ క్రేజీ కాంబినేషన్ అవుతుందని నెటిజన్లు అభిప్రాయాలను వ్యక్తం చేస్తున్నారు.
విశ్వక్ సేన్ కొన్ని వారాల గ్యాప్ లోనే గామి, (Gangs of Godavari) గ్యాంగ్స్ ఆఫ్ గోదావరి సినిమాలతో ప్రేక్షకుల ముందుకు రానున్నారు. ఈ రెండు సినిమాలపై మంచి అంచనాలు నెలకొనగా ఈ రెండు సినిమాలు సక్సెస్ సాధించి విశ్వక్ సేన్ రేంజ్ ను మరింత పెంచాలని నెటిజన్లు కోరుకుంటున్నారు. విశ్వక్ సేన్ పారితోషికం 5 నుంచి 7 కోట్ల రూపాయల రేంజ్ లో ఉంది. ప్రముఖ బ్యానర్లలో వరుస ఆఫర్లతో విశ్వక్ సేన్ కెరీర్ పరంగా బిజీగా ఉన్నారు.
ఇంటర్వ్యూ : ‘గామి’గురించి డైరెక్టర్ విద్యాధర్ కాగిత చెప్పిన ఆసక్తికర విషయాలు.!
ఇంటర్వ్యూ : ‘భీమా’ గురించి గోపీచంద్ చెప్పిన ఆసక్తికర విషయాలు
రోడ్డుపై యాంకర్ ఝాన్సీ చెత్త సేకరించడానికి కారణాలివేనా?
