చిరంజీవి – వీవీ వినాయక్‌ కాంబినేషన్‌ను కోరుకోని సినిమా లవర్‌ ఉంటాడా? అంటే లేడనే చెప్పాలి. ఆ ఇద్దరి కాంబో అలా వర్క్‌ చేసింది మరి గతంలో. ‘ఠాగూర్‌’, ‘ఖైదీ నెం 150’లో చిరంజీవిని వీవీ వినాయక్‌ చూపించిన విధానం అభిమానులనే కాదు, ప్రేక్షకుల్ని కూడా ఆకట్టుకుంది. అందుకే ‘లూసిఫర్‌’ రీమేక్‌ను వినాయక్‌ హ్యాండిల్‌ చేస్తారు అని తెలియగానే… ఊహల్లోకి వెళ్లిపోయారు అభిమానులు. హ్యాట్రిక్‌ కూడా కొట్టేయొచ్చు అని అనుకున్నారు. కానీ అనుకున్నవి అవ్వలేదు. అయితే ఇప్పుడు అభిమానుల కోరిక తీరేలా కనిపిస్తోంది.
చిరంజీవి కోసం వినాయక్‌ ఓ కథను సిద్ధం చేశారు/చేయించారట. ఇటీవల ఆ సినిమా పాయింట్‌ను చిరుకు వినిపించారు కూడా. అయితే దీనిపై చిరంజీవి నుండి ఇంకా ఎలాంటి సమాధానం రాలేదట. ఒకవేళ బాస్‌ ఓకే అంటే… ఇద్దరి హ్యాట్రిక్‌ ప్రయత్నం మళ్లీ మొదలవుతుంది. చిరంజీవి ప్రస్తుతం నాలుగు సినిమాల లైనప్‌లో ఉన్నారు. ‘ఆచార్య’చివరి దశకొచ్చింది. ‘లూసిఫర్‌’ రీమేక్‌ త్వరలో మొదలవుతుంది. ఇదయ్యాక మెహర్‌ రమేశ్‌తో ‘వేదాళం’ రీమేక్‌ చేస్తారు. అదయ్యాక మైత్రి మూవీ మేకర్స్‌ – బాబి సినిమా ఉంటుంది.
ఈ లైనప్‌ చూశాక వినాయక్‌ సినిమా ఎప్పుడు ఉంటుందనే విషయంలో క్లారిటీ రావడం లేదు. మరోవైపు వినాయక్‌ బెల్లంకొండ సాయి శ్రీనివాస్‌తో‘ఛత్రపతి’ రీమేక్‌ చేయాలి. ఆ తర్వాత కూడా మరో సినిమా ఉందంటున్నారు. అయితే ఆ రెండు సినిమాలు పూర్తి చేసి… వినాయక్‌… చిరంజీవి సినిమా చేస్తే సరిపోతుంది. లేదంటే చిరంజీవి లైనప్‌ మార్చాలి, లేదంటే వినాయక్‌ కనీసం రెండేళ్లు వెయిట్‌ చేయాలి. చూద్దాం ఏమవుతుందో?
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
