ఈ మధ్య కాలంలో ప్రభాస్ విసిగించినంతగా ఫ్యాన్స్ ని మరో ఏ హీరో విసిగించి ఉండరు. బాహుబలి నుండి రెండేళ్లకు ఓ సినిమా టార్గెట్ పెట్టుకున్న ప్రభాస్ ఫ్యాన్స్ విపరీతంగా ఎదురుచూసేలా చేస్తున్నాడు. ఇక ఆయన చేస్తున్న ఏ చిత్ర షూటింగ్స్ అయినా నత్త నడక సాగుతున్నాయి. మరో ప్రక్క మహేష్ లాంటి స్టార్ హీరో ఏడాదికి కనీసం ఓ మూవీ చేస్తున్నాడు. మహర్షి విడుదలైన మరో పది నెలలలో సరిలేరు నీకెవ్వరు మూవీ విడుదల చేశారు.
ఎన్టీఆర్, చరణ్ లకు ఆర్ ఆర్ ఆర్ కారణంగా గ్యాప్ వచ్చింది. పవన్ కి రాజకీయాల వలన, బన్నీ కావాలని కొంచెం గ్యాప్ తీసుకున్నారు. ప్రభాస్ మాత్రం షూటింగ్ లో ఉంటూనే మెల్లగా షూటింగ్స్ పూర్తి చేస్తున్నారు. ఈ సంక్రాంతి చిత్రాలు అల వైకుంఠపురంలో, సరిలేరు నీకెవ్వరు ప్రభాస్ ప్రస్తుత చిత్ర షూటింగ్ కంటే తరువాత మొదలైనవి. ఈ రెండు చిత్రాలు ప్రభాస్ మూవీ తరువాత షూటింగ్ స్టార్ట్ చేసి పూర్తి చేసి విడుదల కూడా చేశారు.
ప్రభాస్ మాత్రం ఆ చిత్ర షూటింగ్ కనీసం 60 శాతం కూడా పూర్తి చేయలేదు. దీనితో అసలు ఎప్పుడు ఆ మూవీ విడుదల అవుతుంది అనేది ఎవరికి తెలియని పరిస్థితి. ఇక సెంటిమెంట్ ప్రకారం ఆయన 2021లో ఈ చిత్రాన్ని విడుదల చేస్తారేమో. ఫ్యాన్స్ మాత్రం నిర్మాతలపై తమ అసహనాన్ని చూపిస్తున్నారు. మరో రెండు నెలలో సాహో విడుదలై ఏడాది పూర్తి అవుతుంది.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
