వకీల్ సాబ్ సినిమా రిలీజైన కొన్ని రోజులకే పవన్ కరోనా బారిన పడిన సంగతి తెలిసిందే. అయితే కరోనా నిర్ధారణ అయిన మూడు రోజులకే పవన్ కు కరోనా నెగిటివ్ వచ్చినట్టు వార్తలు వచ్చాయి. జనసేన నేతలు అధికారికంగా పవన్ కు నెగిటివ్ వచ్చినట్టు ప్రకటించకపోయినా అదే సమయంలో ఆ వార్తలను ఖండించలేదు. అయితే పవన్ నెగిటివ్ వచ్చినప్పటికీ హోం క్వారంటైన్ లో ఉండటం గమనార్హం. పవన్ కు నెగిటివ్ రావడంతో ఆయన షూటింగ్ లకు హాజరు కాకపోయినా వకీల్ సాబ్ సక్సెస్ అయినందుకు ప్రేక్షకుల ముందుకైనా వస్తారని ఫ్యాన్స్ భావించారు.
నివేదా థామస్, దిల్ రాజు కరోనా బారిన పడినా కొన్ని రోజుల్లోనే కోలుకుని ప్రేక్షకుల ముందుకు వచ్చిన సంగతి తెలిసిందే. అయితే పవన్ కు నెగిటివ్ వచ్చినా లంగ్స్ లో ఇన్ఫెక్షన్ పూర్తిస్థాయిలో తగ్గలేదని తెలుస్తోంది. ఆ రీజన్ వల్లే పవన్ వైద్యుల సమక్షంలో చికిత్స తీసుకుంటున్నారని సమాచారం. పవన్ లో కరోనా లక్షణాలు మాత్రం పూర్తిస్థాయిలో తగ్గిపోయాయని తెలుస్తోంది. పవన్ పూర్తిగా ఆరోగ్య సమస్యల నుంచి కోలుకున్న తర్వాత మాత్రమే ఫాం హౌస్ నుంచి బయటకు వస్తారని తెలుస్తోంది.
పవన్ ఇంకా హోమ్ ఐసోలేషన్ లోనే ఉండటంతో ఆయన ఫ్యాన్స్ టెన్షన్ పడుతున్నారు. మరోవైపు పవన్ ప్రస్తుతం అయ్యప్పనుమ్ కోషియమ్ రీమేక్ తో పాటు హరిహర వీరమల్లు సినిమాలలో నటిస్తున్నారు. కొన్ని నెలల గ్యాప్ లోనే పవన్ నటించిన ఈ రెండు సినిమాలు రిలీజ్ కానున్నాయని తెలుస్తోంది. పింక్ రీమేక్ గా తెరకెక్కిన వకీల్ సాబ్ సినిమా సక్సెస్ కావడంతో అయ్యప్పనుమ్ కోషియమ్ రీమేక్ తో కూడా పవన్ సక్సెస్ సాధిస్తారని పవన్ ఫ్యాన్స్ అభిప్రాయపడుతున్నారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
