వెంకటేశ్‌కు కథ చెప్పి ఒప్పించడం అంత కష్టమా… ఈ వార్త మొత్తం ఈ పాయింట్‌ చుట్టూనే తిరగబోతోంది. వెంకీ గత రికార్డులు గమనిస్తే… అంత కష్టమేమీ కాదు అనే మాటే వినిపిస్తుంది. అయితే ఆయనతో సినిమాలు చేయడానికి అంతా ఓకే అయ్యి… కథ దగ్గరే ఆగిపోయిన దర్శకులు కొందరు ఉన్నారు. వారిలో త్రివిక్రమ్‌ శ్రీనివాస్‌, తరుణ్‌ భాస్కర్‌ కూడా ఉన్నారు. ఈ విషయమే ఇటీవల వెంకీ దగ్గర ప్రస్తావిస్తే… ‘కథ సిద్ధమవ్వాలి’ అని అన్నారు.
వెంకటేశ్‌ – త్రివిక్రమ్‌ మధ్య అనుబంధం ఇప్పటిది కాదు. గురూజీ… విజయ్‌ భాస్కర్‌తో కలసి సినిమాలు చేస్తున్నప్పటి నుండి వెంకీతో మంచి అనుబంధమే ఉంది. త్రివిక్రమ్‌ టైమింగ్‌ వెంకటేశ్‌కి బాగా నప్పుతుంది కూడా. అయితే ఎందుకో గానీ ఈ ఇద్దరి సినిమా రావడం లేదు. గతంలో ప్రయత్నాలు జరిగినా వర్కౌట్‌ కాలేదు. ఇది పక్కనపెడితే తరుణ్‌ భాస్కర్‌తో వెంకటేశ్‌ సినిమా ఉంటుందని గతంలో వార్తలొచ్చాయి. కథ కూడా విన్నారని టాక్‌.
ఈ రెండు సినిమాల గురించి ఇటీవల వెంకీ మాట్లాడారు. క్రీడా నేపథ్యంలో తరుణ్‌ భాస్కర్‌ ఓ కథ చెప్పారని, అయితే అది మెటీరియలైజ్‌ కాదని, వేరే కథను సిద్ధం చేసే పనిలో ఉన్నారన్నారు. ఇక త్రివిక్రమ్‌ సినిమా గురించి చెబుతూ… మేం సినిమా చేయాలంటే ‘మంచి కథ సిద్ధమవ్వాలి’ అన్నారు. ఇదంతా చూస్తుంటే వెంకీకి నచ్చే కథ సిద్ధం చేయడం అంత ఈజీ కాదేమో అనిపిస్తోంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
