సినిమాల విషయంలో చిన్న సినిమా…పెద్ద సినిమా అన్న తేడా పెద్దగా ఏమీ ఉండదు. ఎందుకంటే సినిమా హిట్ అయ్యింది అని అంటే చాలు, చిన్న పెద్ద తేడా లేకుండా కలెక్షన్స్ తో అదరగొట్టేసారు. అయితే అదే సినిమా ఫ్లాప్ అయ్యింది అనుకో ఏ హీరో పరిస్థితి అయినా ఒకటే. ఇంతకీ విషయం ఏమిటంటే….
ఏ ఏడాది భారీ లెవెల్ ల్లో విడుదలయిన సినిమాల్లో పవన్ సర్దార్, మహేష్ బ్రహ్మోత్సవం, తలైవార్ కబాలి మూడు సినిమాలు బాక్స్ ఆఫీస్ వద్ద డమాల్ మని సైలెంట్ అయిపోయాయి. అయితే అదే క్రమంలో పెద్దగా పబ్లిసిటీ లేకపోయినా, మౌత్ టాక్ తో సూపర్ హిట్ అయిన సినిమా “పెళ్లి చూపులు”. మన సంగతి పక్కన పెడితే….ఈ సినిమాని అమెరికాలో చాలా బాగా ఆదరిస్తున్నారు…ఈ సినిమా విడుదల తరువాత వచ్చిన వెంకటేష్ బాబు బంగారం, శిరీష్ శ్రీరస్తు శుభమస్తు, ఆది చుట్టాలబ్బాయి, సుశాంత్ ఆటాడుకుందాం రా…అన్ని సినిమాలు పెళ్లి చూపులకు అడ్డుకట్ట వెయ్యాలేకపోయాయి. అదే క్రమంలో ఈ చిన్న సినిమా బాక్సాఫీస్ దగ్గర దూసుకెళ్తోంది.
ఐదో వీకెండ్లోనూ ఈ చిత్రానికి అమెరికాలో 30 వేల డాలర్ల వసూళ్లు వచ్చాయంటే రావడం విశేషం. అంతే కాదు ఆ చిత్రం ఇప్పటికే మిలియన్ డాలర్ క్లబ్బులో అడుగుపెట్టేసి.. మరింతగా కలెక్షన్లు కొల్లగొడుతూ వెళ్తోంది….ఇదిలా ఉంటే ఈ సినిమా స్పీడ్ కి బ్రేక్ వేసే పనిలో ఉన్నాడు ఎన్టీఆర్…రేపు విడుదల కాబోతున్న ఎన్టీఆర్ జనతా ఈ చిన్న సినిమాకు బ్రేక వేస్తుంది అన్న టాక్ అంతటా నడుస్తుంది. ఎన్టీఆర్ సినిమాకు పాజిటివ్ టాక్ వస్తే ‘పెళ్లిచూపులు’ డ్రీమ్ రన్ కు బ్రేకులు పడొచ్చు. ఆ సినిమా కథ ముగియొచ్చు. ‘జనతా గ్యారేజ్’కు నెగెటివ్ టాక్ వస్తే మాత్రం ఇంకొన్ని రోజులు ‘పెళ్లిచూపులు’ హవా కొనసాగే అవకాశముంది. మరి ఏం జరుగుతుందో చూడాలి.
