పవర్ స్టార్ పవన్ కళ్యాణ్ ఏ నిర్మాతకైనా, దర్శకునికైనా మాట ఇచ్చారంటే ఆ మాటను కచ్చితంగా నిలబెట్టుకుంటారనే సంగతి తెలిసిందే. పవన్ కళ్యాణ్ హీరోగా బండ్ల గణేష్ నిర్మాతగా రెండు సినిమాలు తెరకెక్కాయి. ఆ రెండు సినిమాలలో తీన్ మార్ సినిమా ఫ్లాప్ అయితే గబ్బర్ సింగ్ సినిమా బ్లాక్ బస్టర్ హిట్ అయింది. టెంపర్ తరువాత సినిమాల నిర్మాణానికి దూరంగా ఉన్న బండ్ల గణేష్ పవన్ సినిమాతో నిర్మాతగా రీఎంట్రీ ఇవ్వాలని భావిస్తున్నారు. పవన్ కూడా బండ్ల గణేష్ నిర్మాతగా ఒక సినిమాకు ఓకే చెప్పారు.
అయితే పవన్ కళ్యాణ్ బండ్ల గణేష్ సినిమాకు డైరెక్టర్ ఎవరనే విషయం తెలియలేదు. అయితే ఇండస్ట్రీ వర్గాల్లో పవన్ బండ్ల గణేష్ కాంబినేషన్ సినిమాకు రమేష్ వర్మ డైరెక్టర్ గా వ్యవహరించనున్నారని వార్త వినిపిస్తోంది. అధికారికంగా ఎలాంటి ప్రకటన రాకపోయినప్పటికీ పవన్ సినిమాకు రమేష్ వర్మ డైరెక్టర్ అని వస్తున్న వార్త వల్ల పవన్ ఫ్యాన్స్ తెగ టెన్షన్ పడుతున్నారు. రమేష్ వర్మ ప్రస్తుతం ఖిలాడీ సినిమాను తెరకెక్కిస్తున్నారు.
మే 28వ తేదీన ఖిలాడీ సినిమా రిలీజ్ కావాల్సి ఉండగా కరోనా వల్ల ఈ సినిమా షూటింగ్ వాయిదా పడటంతో అనుకున్న డేట్ కు ఈ సినిమా రిలీజయ్యే పరిస్థితులు కనిపించడం లేదు. రమేష్ వర్మ బెల్లంకొండ శ్రీనివాస్ తో తెరకెక్కించిన రాక్షసుడు సినిమా బ్లాక్ బస్టర్ హిట్ గా నిలిచిన సంగతి తెలిసిందే. ఆ సినిమా హిట్ అయినా రమేష్ వర్మకు స్టార్ డైరెక్టర్ గా గుర్తింపు లేదు. మరి పవన్ బండ్ల గణేష్ కాంబినేషన్ సినిమాకు రమేష్ వర్మ డైరెక్టర్ గా వ్యవహరిస్తారో లేదో చూడాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
