‘కన్నప్ప’ (Kannappa) సినిమా ప్రమోషన్స్ ను వేగవంతం చేశాడు మంచు విష్ణు (Vishnu Manchu). పాన్ ఇండియా లెవెల్లో రూపొందిన సినిమా కాబట్టి.. దేశం నలుమూలల తిరిగి ప్రమోషన్ చేస్తున్నాడు. సినిమాలో కూడా అన్ని భాషల స్టార్స్ నటించారు. మోహన్ లాల్ (Mohanlal) , అక్షయ్ కుమార్ (Akshay Kumar), శివ రాజ్ కుమార్ (Shiva Rajkumar), శరత్ కుమార్ (Sarathkumar).. ఇలా చాలా మంది స్టార్స్ నటించారు.అందరి కంటే మెయిన్ గా ఈ సినిమాలో ప్రభాస్ నటించాడు. ఈ సినిమాకి భారీగా బజ్ పెరగడానికి కారణం అదే.
జనాలు థియేటర్లకు రావడం మానేసిన ఈ తరుణంలో.. ‘కన్నప్ప’ (Kannappa) కి కచ్చితంగా టికెట్లు తెగుతాయి అనే కాన్ఫిడెన్స్ ఇచ్చింది ప్రభాస్ (Prabhas) అనే చెప్పాలి. సాధారణంగా మంచు విష్ణు సినిమాలపై ట్రోలింగ్ గట్టిగా జరుగుతుంటుంది. కానీ ప్రభాస్ ఎపిసోడ్స్ తో రిలీజ్ చేసిన టీజర్, ట్రైలర్ కి ఎటువంటి ట్రోలింగ్ జరగలేదు. పైగా హైప్ పెంచాయి. ‘కన్నప్ప’ లో రుద్ర అనే పాత్రలో ప్రభాస్ (Prabhas) కనిపించనున్నాడు.
ఇదిలా ఉండగా.. ఈ శనివారం అంటే జూన్ 21న ‘కన్నప్ప’ (Kannappa) ప్రీ రిలీజ్ ఈవెంట్ ను హైదరాబాద్లో ఏర్పాటు చేయబోతున్నాడు మంచు విష్ణు. దీనికి టీం అంతా హాజరయ్యే అవకాశం ఉంది. కానీ అక్షయ్ కుమార్ (Akshay Kumar) మాత్రం వేరే సినిమాల షూటింగ్లతో ఉండటం వల్ల హాజరు కాలేను అని చెప్పాడట. దీంతో ప్రభాస్ ను రంగంలోకి దించాలని మంచు విష్ణు ప్రయత్నాలు మొదలుపెట్టాడట.
ఇప్పటికే మోహన్ బాబు (Mohan Babu).. ప్రభాస్ కి ఫోన్ చేసి ఈవెంట్ కి ఆహ్వానించగా… అందుకు ప్రభాస్ (Prabhas) సానుకూలంగా స్పందించినట్లు తెలుస్తుంది. మోహన్ బాబుతో ప్రభాస్ కి మంచి బాండింగ్ ఉంది. కాబట్టి స్కిప్ చేసే అవకాశం లేదు. కానీ తన ‘రాజా సాబ్’ (The RajaSaab) ట్రైలర్ లాంచ్ కి రాని ప్రభాస్.. ‘కన్నప్ప’ (Kannappa) ప్రీ రిలీజ్ కి వస్తాడా? అనే డిస్కషన్స్ కూడా ఎక్కువగా నడుస్తున్నాయి.
