మలయాళంలో బ్లాక్ బస్టర్ హిట్ గా నిలిచిన అయ్యప్పనుమ్ కోషియమ్ సినిమాకు రీమేక్ గా తెలుగులో సాగర్ కె చంద్ర డైరెక్షన్ లో భీమ్లా నాయక్ సినిమా తెరకెక్కింది. ఫిబ్రవరి 25 లేదా ఏప్రిల్ 1 తేదీలలో భీమ్లా నాయక్ మూవీ రిలీజ్ కానుంది. ఏప్రిల్ 1వ తేదీన ఈ సినిమా రిలీజయ్యే అవకాశాలు ఎక్కువగా ఉన్నాయని అభిమానులు భావిస్తున్నారు. ఈ సినిమా నిర్మాత నాగవంశీ భీమ్లా నాయక్ హిందీలో కూడా రిలీజ్ కానుందని ప్రకటించారు.
బాహుబలి సిరీస్, పుష్ప ది రైజ్ హిందీలో అంచనాలను మించి సక్సెస్ సాధించిన నేపథ్యంలో భీమ్లా నాయక్ హిందీలో రిలీజైతే అక్కడ కూడా ఈ సినిమా సక్సెస్ సాధిస్తుందని పవన్ ఫ్యాన్స్ అభిప్రాయపడ్డారు. మాస్ సినిమాలకు హిందీలో ఆదరణ దక్కుతున్న నేపథ్యంలో భీమ్లా నాయక్ హిందీలో భారీ స్థాయిలో కలెక్షన్లను సాధించే అవకాశాలు కూడా ఉన్నాయని చెప్పవచ్చు. అయితే భీమ్లా నాయక్ హిందీ రిలీజ్ విషయంలో ఒక చిన్న సమస్య ఉంది.
అయ్యప్పనుమ్ కోషియమ్ తెలుగుతో పాటు హిందీలో కూడా రీమేక్ అవుతోంది. అర్జున్ కపూర్, జాన్ అబ్రహమ్ ఈ సినిమా హిందీ రీమేక్ లో హీరోలుగా నటిస్తున్నారు. భీమ్లా నాయక్ డబ్బింగ్ వెర్షన్ హిందీలో విడుదలైతే ఈ హీరోల సినిమాపై ప్రభావం పడుతుంది. అల వైకుంఠపురములో సినిమా హిందీ డబ్బింగ్ వెర్షన్ రిలీజ్ సమయంలో ఇబ్బందులు ఎదురైన సంగతి తెలిసిందే. హిందీలో అల వైకుంఠపురములో సినిమా రీమేక్ అవుతుండటంతో అక్కడి మేకర్స్ అభ్యంతరం తెలిపారు.
బన్నీ సినిమా విషయంలో జరిగిందే పవన్ సినిమా విషయంలో జరిగే అవకాశాలు అయితే ఉన్నాయని అభిమానులు సందేహాలు వ్యక్తం చేస్తున్నారు. మరోవైపు భీమ్లా నాయక్ థియేట్రికల్ ట్రైలర్ కోసం పవన్ అభిమానులు ఆసక్తిగా ఎదురుచూస్తున్నారు. ఎప్పుడు విడుదలైనా భీమా నాయక్ బాక్సాఫీస్ వద్ద సక్సెస్ సాధించడం ఖాయమనే కామెంట్లు వినిపిస్తున్నాయి. పవన్ కు జోడీగా ఈ సినిమాలో నిత్యామీనన్ నటించారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
