ఒకప్పుడు సరదాగా కామెడీ కింగ్ బ్రహ్మానందం సినిమా స్టిల్స్, ఫోటోలతో చిన్నగా స్టార్ట్ అయిన మీమ్స్ అనేవి ఇప్పుడు ఎంతలా పాపులర్ అయ్యాయో ప్రత్యేకంగా చెప్పక్కర్లేదు.. తనను ఇంతలా గుర్తుపెట్టుకున్నందుకు స్వయంగా బ్రహ్మీనే మీమర్స్ అందరికీ థ్యాంక్స్ చెప్పారంటే అర్థం చేసుకోవచ్చు.. ఈమధ్య కొన్ని మూవీ టీమ్స్ రిలీజ్‌కి ముందు మీమర్స్ అందర్నీ పిలిచి మరీ పార్టీలివ్వడం చూస్తూనే ఉన్నాం.. అలాగే పవన్ కళ్యాణ్ – హరీష్ శంకర్ కలిసి దళపతి విజయ్ ‘తేరి’ (పోలీసోడు) రీమేక్ చెయ్యబోతున్నారని వార్తలు వచ్చాయి..
అప్పుడెన్ని మీమ్స్, వీడియోస్ వైరల్ అయ్యాయో.. అవి చూసి ఎంతలా నవ్వుకున్నామో తెలిసిందే.. ‘రీమేక్ వార్తలు వచ్చినప్పుడల్లా ఫ్యాన్స్ పరిస్థితి ఇదీ’ అంటూ నెట్టింట ఓ వీడియో తెగ వైరల్ అయింది.. ‘ఏప్రిల్ 1 విడుదల’ సినిమాలోని ఓ సన్నివేశానికి దీనితో లింక్ పెట్టి చేసిన వీడియో అదిరిపోయింది.. ఇప్పుడు మరో కిరాక్ వీడియో నెట్టింట చక్కర్లు కొడుతోంది.. సందర్భం ఏదైనా దానికి తగిన సినిమా పోస్టర్, సీన్లతో మీమ్స్, పేరడీలు చేయడం అనేది ఇప్పటి ట్రెండ్ కాబట్టి..
ఇద్దరు యంగ్ మ్యూజిక్ డైరెక్టర్ల మీద వీడియో క్రియేట్ చేశారు.. క్రియేట్ అనడం కంటే కూడా.. సందర్భానికి తగ్గట్టు సింక్ చేశారని చెప్పొచ్చు.. ప్రస్తుతం ఇండస్ట్రీలో థమన్ హవా నడుస్తోంది.. ‘అల..వైకుంఠపురములో’ నుండి ‘అఖండ’ వరకు అదరగొట్టేశాడు. మోస్ట్ వాంటెడ్ మ్యూజిక్ డైరెక్టర్‌గా మారిపోయాడు.. వచ్చే సంక్రాంతికి థమన్ ‘వీర సింహా రెడ్డి’, దేవి శ్రీ ప్రసాద్ ‘వాల్తేరు వీరయ్య’ పోటీ పడబోతున్నాయి.
ఈ నేపథ్యంలో ఈ సంగీత దర్శకుల డ్రైవర్లు.. వీళ్ల గురించి ఏం మాట్లాడుకుంటారో తెలుసా? అన్నట్టు.. గతంలో బ్రహ్మానందం మాట్లాడిన వీడియోని తెగ వైరల్ చేస్తున్నారు.. కారెక్కగానే పాత పాటల క్యాసెట్లు పెడతాడని ఒకతను.. ‘మీవాడు పర్లేదు.. క్యాసెట్లే పెడతాడు.. మా వాడు ఏకంగా పాడేస్తాడ్రా బాబూ’ అన్నాడంటూ బ్రహ్మీ స్పీచ్ వాడి చేసిన ఈ వీడియో మూవీ లవర్స్, నెటిజన్లను బాగా ఆకట్టుకుంటోంది..
: @ThisIsDSP @MusicThaman pic.twitter.com/wgkZpI8V4B
— RatpacCheck (@RatpacCheck) December 14, 2022
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
