ఆది సాయికుమార్ హీరోగా శ్రీనివాస్ నాయుడు న‌డిక‌ట్ల ద‌ర్శ‌క‌త్వంలో రూపొందుతోన్న చిత్రం ‘శశి’. సుర‌భి నాయిక‌గా న‌టిస్తోన్న ఈ చిత్రాన్ని శ్రీ హ‌నుమాన్ మూవీ మేక‌ర్స్ ప‌తాకంపై ఆర్‌.పి. వ‌ర్మ, సి. రామాంజ‌నేయులు, చింత‌ల‌పూడి శ్రీ‌నివాసరావు సంయుక్తంగా నిర్మిస్తున్నారు. మార్చి 19న గ్రాండ్‌గా విడుదల కాబోతోన్న సంద‌ర్భంగా ఆది సాయికుమార్ ఇంట‌ర్వ్యూ.
*నేను హీరోగా చేసిన ‘లవ్‌లీ’ సినిమాను వైజాగ్‌లో డిస్ట్రిబ్యూట్‌ చేసిన వర్మగారు కాల్‌ చేసి ఒక స్క్రిప్ట్‌ ఉంది వినమన్నారు. సరే అన్నాను. పరిచయం అయిన తొలిసారే దర్శకుడు శ్రీనివాస్ కథను, ఇందులోని నా క్యారెక్టరైజేషన్‌ను డీటైల్డ్‌గా చెప్పారు. విన్న వెంటనే ఎగై్జట్‌ అయ్యాను. వర్కౌట్‌ అవుతుందన్న నమ్మకంతో ఈ సినిమాకు ఓకే చెప్పాను.
* నా క్యారెక్టర్‌లో షేడ్స్‌ ఉన్నాయి. ఆడియన్స్‌కు డిఫరెంట్‌గా ఫీల్‌ అవుతారు. డిప్రెషన్‌లో ఉండి ఓ ర్యాక్‌బ్యాండ్‌ను రన్‌ చేసే వ్యక్తి పాత్రలో కనిపిస్తాను. సెకండాఫ్‌లో కాలేజ్‌ స్టూడెం ట్‌గా ఉంటాను. ఇలా డిఫరెంట్‌ అనేది సినిమాలో తెలుస్తుంది. కొంత ఫ్లాష్‌బ్యాక్‌ సీన్స్‌ను కూడ ఉన్నాయి. ఈ సినిమాలో నా క్యారెక్టర్‌కు సబంధించిన బాడీలాంగ్వేజ్, ఎక్స్‌ప్రేషన్స్‌ వంటి వాటిలో స్పెషల్‌ కేర్‌ తీసుకున్నాం. నా లుక్‌ కోసం నేను రెండు నెలలు కష్టపడ్డాను.
* శశి అనేది సినిమాలో హీరోయిన్‌ పేరు. అయితే ఈ సినిమాకు ఈ టైటిల్‌ ఎందుకు పెట్టాము అనేది సినిమా చూస్తే ఫుల్‌ క్లారిటీ వస్తుంది. స్నేహానికి ప్రధాన్యత ఇస్తూ అదే సమయంలో ప్రేమ కూడ బ్యాలెన్స్‌ చేసే క్యారెక్టర్‌. సురభితో ఇంతకు ముందే ఓ సినిమా చేయాల్సింది. కుదర్లేదు. ఈ సినిమా చేసిన్నందుకు చాలా సంతోషంగా ఉంది. సురభిది మంచి ఛాలెంజింగ్‌ రోల్‌. మరో హీరోయిన్‌ రాశీసింగ్‌ది కూడ బాగా చేశారు. ఈ సినిమా కోసం నిర్మాతలు చాలా కష్టపడ్డారు. నాకు సపోర్ట్‌ చేసినవారికి ప్రత్యేక« దన్యవాదాలు.
*ప్రేమలో పడ్డ ఓ మిడిల్‌క్లాస్‌ కుర్రాడి స్ట్రగుల్‌ ఎలా ఉంటుంది? ఫ్యామిలీతో అతనికి రిలేషన్స్‌ లవ్‌ తర్వాత ఎలా మారతాయి? అన్న అంశాలు ఆడియన్స్‌కు ఆసక్తికరంగా ఉంటాయి. సినిమాలో కావాల్సినంత డ్రామా ఉంది. సన్నివేశాలు సహజత్వానికి దగ్గరగా ఉంటాయి.
* ఈ సినిమాలో లవ్‌స్టోరీ ఉంటూనే ఫ్యామిలీ డ్రామా ఉంటుంది. ఫ్యామిలీ ఆడియన్స్‌కు ఈ సినిమా 100 పర్సెంట్‌ కనెక్ట్‌ అవుతుంది. ఈ సినిమాలో నా అన్న క్యారెక్టర్‌ చేసిన అజయ్‌గారు, నా తల్లి పాత్ర చేసిన తులసీగారు, రాజీవ్‌గారు ఈ సినిమా గురించి పాజిటివ్‌గా మాట్లాడారు. మా సిస్టర్‌ ఫ్యామిలీ యూత్‌ కనెక్ట్‌ అయ్యే అంశాలతో పాటుగా ఫ్యామిలీ ఆడియన్స్‌ను మెచ్చుకునే ఎమోషన్స్‌ కూడా ఉన్నాయి. అందుకే సినిమా విజయంపై నమ్మకంతో ఉన్నాం. ఫ్యామిలీ ఆడియన్స్‌ను కూడా దృష్టిలో పెట్టుకుని సినిమా చేశాను.
*‘ఒకే ఒక లోకం నువ్వే…’ సాంగ్‌ ట్యూన్‌ విన్నప్పుడే బాగుందని అనిపించింది. చంద్రబోస్‌గారు మంచి లిరిక్స్‌ ఇచ్చారు. సిద్‌ శ్రీరామ్‌ బాగా పాడారు. సినిమాలో ఈ సాంగ్‌ ఓ సర్‌ప్రైజింగ్‌ ఎలిమెంట్‌గా ఉంటుంది. లిరికల్‌గా వీడియో సక్సెస్‌ అయిన తర్వాత సాంగ్‌ షూట్‌లో మార్పులు చేయాలని అనిపించినప్పటికీ శ్రీనివాస్ వద్దన్నారు. ఆ తర్వాత మేం అందరం ఆలోచించి నేచురల్‌గా ఉంటుందని అనుకున్నాం. నా కెరీర్‌లో ‘ప్రేమకావాలి, సుకుమారుడు, లవ్‌లీ’ సినిమాల ఆల్బమ్స్‌కు కూడ ఆడియన్స్‌ మంచి రెస్పాన్స్‌ వచ్చింది.
*దర్శకుడు శ్రీనివాస్ మొదటిసారి కలిసినప్పుడు ఈ సినిమాలోని పాటల గురించి డిస్కష్‌ చేశారు. ఐదు పాటలు ట్యూన్స్‌ విన్నాను. అప్పుడే ‘ఒకే ఒక లోకం..’ పాట కూడ విన్నాను. సాంగ్స్‌ అన్ని బాగున్నాయి. ఆడియన్స్‌ నుంచి మంచి రెస్పాన్స్‌ వచ్చింది. అరుణ్‌ మంచి సంగీతం ఇచ్చారు. ఫస్ట్‌ విన్నప్పుడు థింతానా థింతానా సాంగ్‌ నాకు బాగా నచ్చింది.
* పవన్‌కల్యాణ్‌గారు అంత ఫ్రెండ్లీగా ఉంటారని నేను అనుకోలేదు. ఒకే ఒక లోకం సాంగ్‌ కూడ విన్నారు. సాంగ్‌ క్యాచీగా ఉంది అన్నారు.
*2020 నాకే కాదు. అందరికీ బ్యాడ్‌. యంగ్‌ హీరోస్‌ అందరం ఫోన్స్‌లో మాట్లాడు కునేవాళ్ళం. పాత పరిస్థితులు వస్తాయని అనుకున్నాం. ఇప్పుడు చూస్తుంటే తెలుగు ప్రేక్షకులు సినిమాలను బాగా ఆదరిస్తున్నారు. వారికి థ్యాంక్స్‌.
*నా సినిమాల కథలను నాన్నగారు వింటారు కానీ ఫైనల్‌ నిర్ణయం నాదే. నా జీవితంలో ఫస్ట్‌ టైమ్‌ కుకింగ్‌ చేశాను. పెళ్లికి ముందు ఏదైనా చేసే ఫ్రీడమ్‌ ఉంటుంది. ఇప్పుడు అలా లేదు (నవ్వుతూ)
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
