‘లైఫ్ ఈజ్ బ్యూటిఫుల్’ సినిమాతో హీరోగా ఎంట్రీ ఇచ్చిన అభిజిత్.. బిగ్ బాస్ నాల్గో సీజన్ లో పాల్గొని బాగా పాపులర్ అయ్యారు. అప్పటివరకు ఆయన కొన్ని సినిమాలు చేసినా రాని క్రేజ్ బిగ్ బాస్ తో వచ్చింది. నాల్గో సీజన్ విన్నర్ గా నిలిచి మంచి ఫాలోయింగ్ సంపాదించుకున్నారు. అయితే అలా వచ్చిన క్రేజ్ ను అభిజిత్ సరైన పద్దతిలో వాడుకోలేదనిపిస్తుంది. బిగ్ బాస్ ఐదో సీజన్ కూడా మొదలైంది. కానీ ఇప్పటివరకు అభిజిత్ నుంచి సినిమా ప్రకటనలు రాలేదు.
ఆయనతో పాటు కంటెస్టెంట్ లుగా వచ్చిన సోహెల్, మెహబూబ్, అఖిల్ లాంటి వాళ్లు మాత్రం కెరీర్ పరంగా దూసుకుపోతున్నారు. మొన్నామధ్య అభిజిత్ మూడు సినిమాలకు సంబంధించిన స్క్రిప్ట్ లు వింటున్నానని తెలిపారు. మూడు రకాల జానర్లలో సినిమాలు చేస్తానని చెప్పారు. మంచి స్క్రిప్ట్ కోసం ఎదురుచూస్తున్నానని చెప్పారు. కానీ ఇంతవరకు ఒక్క సినిమా ప్రకటన కూడా చేయలేదు. మధ్యలో అభిజిత్ ఆరోగ్యం సహకరించలేదట. కాలు సర్జరీకి సంబంధించిన రిపోర్టులు కూడా పెట్టారట.
అలా ఇప్పుడు కూడా అభిజిత్ ఆరోగ్య సమస్యలతోనే సతమతమవుతున్నట్లు కనిపిస్తోంది. ముందుగా తన ఆరోగ్యాన్ని కాపాడుకోవడమే తనకు ముఖ్యమని అభిజిత్ చెప్పుకొచ్చారు. తాజాగా లైవ్ లోకి వచ్చిన అభిజిత్ ను నెటిజన్లు కొత్త సినిమా ప్రకటన గురించి అడుగుతుండడంతో ఆయన స్పందిస్తూ.. ముందు ఆరోగ్యమే తనకు ముఖ్యమని అన్నారు. అలా చూసుకుంటే ఇప్పట్లో అభిజిత్ తన కొత్త సినిమా ప్రకటన చేయరేమో అనిపిస్తుంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
