‘కిక్’ చిత్రంలో పార్ట్నర్.. పార్ట్నర్ అంటూ హీరో రవితేజకు ధీటుగా నటించి మంచి మార్కులు కొట్టేసిన నటుడు శ్యామ్ అందరికీ గుర్తుండే ఉంటాడు. కన్నడంలో ఇతను సినిమాలు చేసినప్పటికీ తెలుగులో కూడా బాగానే ఫేమస్ అయ్యాడు. ‘రేసుగుర్రం’ చిత్రంలో కూడా అల్లు అర్జున్ కు అన్నయ్యగా నటించాడు శ్యామ్. ఆ చిత్రంలో సిన్సియర్ పోలీస్ ఆఫీసర్ గా అలాగే తమ్ముడితో గొడవ పడే రామ్ క్యారెక్టర్ ను చాలా అద్బుతంగా చేశాడు శ్యామ్.
‘ఊసరవెల్లి’ ‘కిక్2’ ‘వీర’ ‘కత్తి’ ‘యాక్షన్ 3D’ వంటి చిత్రాల్లో కూడా ఇతను నటించాడు కానీ.. ఆ సినిమాలు అంత ఆడలేదు కాబట్టి ఇతనికి అంతగా గుర్తింపు రాలేదని చెప్పొచ్చు. ఇదిలా ఉండగా.. ఇటీవల ఇతన్ని పోలీసులు అరెస్ట్ చెయ్యడం పెద్ద సంచలనంగా మారింది. వివరాల్లోకి వెళితే.. శ్యామ్ చెన్నైలోని కోడంబాకం అనే ఏరియాలో గత కొంత కాలంగా ‘ఫోకర్’ అనే క్లబ్‌ను నడుపుతున్నాడట. అయితే ఆ క్లబ్‌ వంకతో ఇతను గ్యాంబ్లింగ్‌కు కూడా పాల్పడినట్టు సమాచారం.
ఎటువంటి పర్మిషన్ లేకుండా శ్యామ్ ‘ఫోకర్’ క్లబ్‌లో పేకాట, బెట్టింగ్‌లను నడుపుతున్నాడని కేసు నమోదైనట్టు తెలుస్తుంది. అందుకే సోమవారం రాత్రి శ్యామ్ ను కోడంబాకం పోలీసులు అరెస్ట్ చేశారట.ఈ కేసుకు సంబంధించి ప్రస్తుతం శ్యామ్ ను విచారిస్తున్నారట పోలీసులు.
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
