‘మౌనమేలనోయి’ ‘నిను చూడక నేనుండలేను’ ‘ఒరేయ్ పండు’ ‘నీ జతగా నేనుండాలి’ వంటి చిత్రాలతో తెలుగు ప్రేక్షకులకు దగ్గరైన హీరో సచిన్ జోషి అందరికీ గుర్తుండే ఉంటాడు. తాజాగా ఇతన్ని పోలీసులు అరెస్ట్ చెయ్యడం సంచలనంగా మారింది. అక్రమ గుట్కా రవాణా కారణంగానే పోలీసులు సచిన్ జోషిని అరెస్ట్ చేసినట్టు సమాచారం. పూర్తి వివరాల్లోకి వెళితే.. “హైదరాబాద్ పోలీసులు.. మార్చి నెలలో పెద్ద మొత్తంలో గుట్కాను సీజ్ చేసి నిందితులను అదుపులోకి తీసుకున్న సంగతి తెలిసిందే.
అటు తరువాత వారిని విచారించగా.. ఈ వ్యవహారంలో ముంబైకు చెందిన సినీ నటుడు మరియు ప్రముఖ వ్యాపారవేత్త అయిన సచిన్ జోషి హస్తం కూడా ఉన్నట్టు తేలింది. ఈ నేపథ్యంలో హైదరాబాద్ పోలీసులు హీరో సచిన్ జోషి పై క్రిమినల్ పీనల్ కోడ్ 41 సెక్షన్ కింద కేసు ఫైల్ చేసి నోటీసులు పంపారట. అయితే సచిన్ జోషి విదేశాల్లో ఉండటం వల్ల అతన్ని ఇప్పటివరకూ అరెస్ట్ చెయ్యలేకపోయారని తెలుస్తుంది.
అయితే తాజాగా అతను విదేశాల నుండీ తిరిగి రావడంతో ముంబై ఇంటర్నేషనల్ ఎయిర్ పోర్టులో.. ఇమ్మిగ్రేషన్ అధికారులు అదుపులోకి తీసుకున్నారట. అంతేకాదు విచారణ కోసం సచిన్ జోషిని.. హైదరాబాద్ కు తరలించినట్టు కూడా తెలుస్తుంది.
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
