దర్శకుడు తేజ తన సినిమాలకు సంబంధించి కాస్టింగ్ విషయంలో చాలా పర్టిక్యులర్ గా ఉంటాడు. తన కథకు తగ్గట్లుగా నటీనటులను ఎంపిక చేసుకుంటాడు. ప్రస్తుతం ఈ డైరెక్టర్ గోపీచంద్ హీరోగా ‘అలిమేలుమంగ వెంకటరమణ’ అనే సినిమాను పట్టాలెక్కించబోతున్నాడు. ఈ ప్రాజెక్ట్ కోసం నటి సాయిపల్లవిని హీరోయిన్ గా సెలక్ట్ చేసుకున్నాడు. ఆమె తప్ప మరెవరూ ఈ సినిమాకి సూట్ కారని తేజ భావిస్తున్నాడు. అయితే ఈ సినిమా కోసం సాయిపల్లవి రెమ్యునరేషన్ అమాంతం పెంచేసిందట.
ప్రస్తుతం సాయిపల్లవి ఒక్కో సినిమాకి రూ.80 లక్షల వరకు తీసుకుంటుంది. తేజ సినిమాకి మాత్రం కోటి 15 లక్షల రూపాయలు డిమాండ్ చేస్తోందని సమాచారం. దీంతో ఇప్పుడు దర్శకుడు తేజతో పాటు నిర్మాతలు కూడా ఆలోచనలో పడ్డట్లు తెలుస్తోంది. సాయిపల్లవిని తీసుకుంటే అనుకున్నదానికంటే బడ్జెట్ పెరిగిపోతుంది. పోనీ మరో హీరోయిన్ ని తీసుకుందామా అంటే.. ఈ సినిమా కోసం ముందుగా కీర్తి సురేష్, కాజల్ లాంటి వారిని అనుకొని రిజెక్ట్ చేశారు.
తిరిగి మళ్లీ వాళ్లను సంప్రదించలేరు. ఒకవేళ వాళ్లను తీసుకున్నా.. వాళ్లు కూడా ఇదే రేంజ్ లో రెమ్యునరేషన్ కోట్ చేయడం ఖాయం. దీంతో యూనిట్ హీరోయిన్ విషయంలో ఓ నిర్ణయం తీసుకోలేక సినిమాను అఫీషియల్ గా అనౌన్స్ చేయడానికి ఆలస్యం చేస్తున్నారు. రెమ్యునరేషన్ తేలితే వెంటనే సినిమాను మొదలుపెట్టాలని చూస్తున్నారు. మరి మేకర్లు సాయిపల్లవి డిమాండ్ ని ఒప్పుకుంటారేమో చూడాలి!
Most Recommended Video
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!
