లాక్ డౌన్ సమయంలో ఓటీటీలకు డిమాండ్ బాగా పెరిగింది. ఇప్పటికీ కూడా చాలా మంది సినిమాలను ఓటీటీలలోనే చూస్తున్నారు. ప్రస్తుతం ఓటీటీ మార్కెట్ బాగా విస్తరిస్తుంది. దీంతో కొంతమంది నటులు ఓటీటీను టార్గెట్ చేస్తూ సినిమాలు చేస్తున్నారు. నటుడు సిద్ధూ జొన్నలగడ్డ ఇప్పటికే ఓటీటీ హీరోగా ఫిక్స్ అయిపోయాడు. ఇప్పుడు నటుడు సునీల్ కూడా అదే పని చేస్తున్నాడు. ఇప్పటికే ఓటీటీ కోసం ఓ సినిమా మొదలుపెట్టాడు. వి.ఎన్.ఆదిత్య డైరెక్ట్ చేస్తోన్న ఈ సినిమాలో సలోనీ హీరోయిన్ గా నటించనుంది.
ఈ సినిమా థియేటర్లో రిలీజ్ అవ్వదు. కేవలం ఓటీటీ కోసమే ఈ సినిమా చేస్తున్నారు. షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ కార్యక్రమాలు జరుపుకుంటుంది. ‘ఆహా’ ఫ్లాట్ ఫామ్ లో సినిమా రిలీజ్ కానుంది. తాజాగా మరో ఓటీటీ సినిమాకి సునీల్ గ్రీన్ సిగ్నల్ ఇచ్చినట్లు తెలుస్తోంది. అది కూడా ‘ఆహా’ కోసమే అని టాక్. ఓ కొత్త దర్శకుడు ఈ ప్రాజెక్ట్ ను డీల్ చేయబోతున్నాడని సమాచారం. ఇప్పుడు ఓ వెబ్ సిరీస్ లో కూడా నటించడానికి సునీల్ అంగీకరించినట్లు తెలుస్తోంది.
హీరోగా సునీల్ క్రేజ్ బాగా తగ్గింది. అతడితో సినిమాలు చేయడానికి ఏ నిర్మాత ముందుకు రావడం లేదు. దీంతో ఆయన ఓటీటీ మార్కెట్ పై దృష్టి పెట్టాడు. అక్కడ ఆఫర్లు కూడా వస్తుండడంతో వరుస ప్రాజెక్ట్ లు ఒప్పుకుంటున్నాడు. ఓ పక్క ఓటీటీలో హీరోగా నటిస్తూ.. వెండితెరపై కమెడియన్ పాత్రలు పోషిస్తున్నాడు. ప్రస్తుతం ‘పుష్ప’ సినిమాలో కీలకపాత్ర పోషిస్తున్నాడు సునీల్. మొత్తానికి అటు వెండితెరను ఇటు ఓటీటీను బాగానే కవర్ చేస్తున్నాడు.
Most Recommended Video
వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!
