టాలీవుడ్ యంగ్ హీరోయిన్, తెలుగమ్మాయి అయిన అనన్య నాగళ్ళ (Ananya Nagalla) ఇప్పుడు వరుస సినిమాల్లో నటిస్తూ బిజీగా గడుపుతోంది. హీరోయిన్ గానే కాకుండా, పెద్ద సినిమాల్లో మంచి మంచి పాత్రలు కూడా చేస్తూ వస్తోంది. అయితే ఆమె హీరోయిన్ గా నటించిన లేటెస్ట్ మూవీ ‘తంత్ర’ మార్చి 15 న రిలీజ్ కాబోతుంది. ఈ సినిమా ప్రమోషన్స్ లో భాగంగా అనన్య నాగళ్ళ ఓ ఇంటర్వ్యూలో పాల్గొని తన పెళ్లి గురించి స్పందించింది. అందులో భాగంగా సినీ పరిశ్రమపై కూడా ఆమె ఘాటు వ్యాఖ్యలు చేసింది.
అనన్య నాగళ్ళ మాట్లాడుతూ.. “నాకు బాయ్ ఫ్రెండ్ లేడు. నేను లవ్ మ్యారేజ్ చేసుకుంటానా? లేక అరేంజ్డ్ మ్యారేజ్ చేసుకుంటానా? అనేది కాలమే నిర్ణయిస్తుంది. ఒకవేళ లవ్ మ్యారేజ్ చేసుకోవాలి అనుకున్నా.. సినీ పరిశ్రమకు చెందిన వ్యక్తిని మాత్రం చేసుకోబోను. సినీ పరిశ్రమలో ఉన్న వాళ్లలో చాలా మందికి పెళ్లి తర్వాత భార్య మీద ప్రేమ తగ్గిపోతుంది. ఇండస్ట్రీలో వివాహేతర సంబంధాలు కూడా ఎక్కువగానే ఉంటాయి. పెళ్లి తర్వాత వాడుకొని వదిలేస్తారు.
అందుకే నేను సినీ పరిశ్రమకు చెందిన వ్యక్తిని పెళ్లి చేసుకోవాలని అనుకోవడం లేదు. అలా అని అందరూ అలాంటి వాళ్ళే అనడం తప్పు.గతంలో కొంతమంది ప్రేమ పెళ్లిళ్లు చేసుకుని హ్యాపీగా జీవిస్తున్నారు. వాళ్లకి కెరీర్ పట్ల… ఫ్యామిలీ లైఫ్ పట్ల మెచ్యూరిటీ, క్లారిటీ ఉన్నాయి. కానీ ఇప్పటి జనరేషన్ కి చెందిన వారిలో ఆ మెచ్యూరిటీ లేదు” అంటూ చెప్పుకొచ్చింది.
ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు
భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?
