బిగ్ బాస్ షో ద్వారా ఊహించని స్థాయిలో పాపులారిటీని సంపాదించుకున్న దివి తెలుగులో చెప్పుకోదగ్గ స్థాయిలో సినిమాలలో చిన్నచిన్న ఆఫర్లను సొంతం చేసుకుంటూ వార్తల్లో నిలుస్తున్నారు. అయితే ఫుల్ లెంగ్త్ రోల్స్ మాత్రం ఆమెకు రావడం లేదు. రవితేజ (Ravi Teja) సినిమాలో ఛాన్స్ వచ్చినట్టే వచ్చి పోయిందని తాజాగా దివి వెల్లడించారు. రాత్రికి రాత్రే నాకు బదులుగా మరో హీరోయిన్ కు ఛాన్స్ ఇచ్చారని దివి అన్నారు. నన్ను మొహం మీదే తిరస్కరించిన సందర్భాలు ఉన్నాయని ఆమె కామెంట్లు చేశారు.
నేను సన్నగా ఉన్నానని ఒకరు రిజెక్ట్ చేస్తే లావుగా ఉన్నానని మరొకరు రిజెక్ట్ చేశారని దివి వెల్లడించారు. ఇటీవల ఒక సినిమాలో ఎంపికయ్యానని అది రవితేజ మూవీ అని రవితేజ పక్కన లీడ్ క్యారెక్టర్ ఛాన్స్ ఇచ్చి 5 రోజులలో మూవీ షూట్ మొదలవుతుందనగా రాత్రికి రాత్రి నన్ను మార్చేశారని ఆమె అభిప్రాయపడ్డారు. నేను చాలా ఆఫీసులు తిరిగానని ఎన్నో అడిషన్లు ఇచ్చానని చాలామంది రిజెక్ట్ చేశారని దివి పేర్కొన్నారు.
కొంతమంది ఫోన్ చేసి చెబుతామని సమాచారం ఇస్తారని ఆ ఫోన్ కాల్ ఎప్పటికీ రాదని దివి వెల్లడించారు. బాత్ రూమ్ లో షవర్ పెట్టుకుని నోరు మూసుకుని ఏడ్చిన సందర్భాలు నా లైఫ్ లో ఉన్నాయని ఆమె తన కన్నీటి కష్టాలను చెప్పుకొచ్చారు. బెడ్ పై దిండును కవర్ చేసుకుని ఏడ్చిన సందర్భాలు సైతం బోలెడు ఉన్నాయని ఆమె పేర్కొన్నారు.
నేను బాధ పడుతున్నానని ఏడుస్తున్నానని అమ్మానాన్నలకు తెలిస్తే వాళ్లు ఫీలవుతారని భావించి వాళ్లకు చెప్పేదానిని కాదని దివి కామెంట్లు చేశారు. కెరీర్ పరంగా ఆశించిన స్థాయిలో సక్సెస్ రావడానికి ముందే నాపై ట్రోల్స్ వస్తున్నాయని ఆమె ఆవేదన వ్యక్తం చేశారు. రవితేజ మూవీ నుంచి తొలగించారని చెప్పిన దివి (Actress Divi) ఆ సినిమా పేరు చెప్పడానికి మాత్రం ఇష్టపడలేదు.
ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు
భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?
