సీనియర్ స్టార్ హీరోయిన్ మీనా గురించి ప్రత్యేక పరిచయమవసరం లేదు. చిరంజీవి, బాలకృష్ణ, నాగార్జున,వెంకటేష్ వంటి స్టార్ హీరోలందరితో ఎన్నో సూపర్ హిట్ సినిమాల్లో నటించింది ఈ బ్యూటీ. 2000వ సంవత్సరం వరకూ ఈమె హవా నడిచింది. ఆ తరువాత కొత్త హీరోయిన్ల ఎంట్రీ ఎక్కువ అవ్వడంతో సహజంగానే ఈమెకు అవకాశాలు తగ్గాయి. దాంతో 2009లో విద్యాసాగర్ అనే సాఫ్ట్ వేర్ ప్రొఫెషనల్ ను పెళ్లి చేసుకుని సెటిల్ అయ్యింది మీనా.
ప్రస్తుతం మీనా తన ఫ్యామిలీ లైఫ్ ను ఎంజాయ్ చేస్తుంది.అలా అని ఈమె సినిమాలకు దూరమవ్వలేదు. కథా ప్రాధాన్యత ఉన్న సినిమాల్లో ఛాన్స్ లు వస్తే నటిస్తూనే వస్తోంది. ప్రస్తుతం మోహన్ లాల్ సరసన ‘దృశ్యం 2’ లో కూడా నటిస్తుంది మీనా. ఈ విషయాలను పక్కన పెట్టేస్తే.. మీనా కూతురు నైనిక పుట్టినరోజు వేడుకలు నిన్న ఘనంగా జరిగాయి. ఇందుకు సంబంధించిన ఫోటోలను మీనా తన సోషల్ మీడియా ద్వారా అభిమానులతో పంచుకుంది.
‘నా జీవితం.. నా ప్రేమ.. అన్నీ నైనికానే’ అంటూ తన కూతురి పై ఉన్న ప్రేమను తెలియజేస్తూ ఓ ఎమోషనల్ కామెంట్ కూడా పెట్టింది. చివర్లో ‘హ్యాపీ బర్త్ డే టూ మై లైఫ్.. లవ్’ అంటూ ట్యాగ్ లను జత చేసింది.ఈ ఫోటోల్లో మీనా భర్త విద్యాసాగర్ కూడా ఉన్నాడు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి. విజయ్ -అట్లీ కాంబినేషన్లో వచ్చిన మొదటి చిత్రం ‘తేరి’ లో నైనిక.. విజయ్ కూతురిగా నటించిన సంగతి తెలిసిందే.
1
2
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
