బాలీవుడ్ యంగ్ అండ్ స్టార్ హీరో సుశాంత్ సింగ్ రాజ్ పుత్ కేసు రోజుకో కొత్త మలుపు తీసుకుంటున్న సంగతి తెలిసిందే. అయితే ఇప్పుడు అతని కేసుని పక్కన పెట్టేసి… డ్రగ్స్ కేసులో నిందితులైన హీరోయిన్ల కోసమే ఎన్.సి.బి(నార్కోటిక్ కంట్రోల్ బ్యూరో) దర్యాప్తును ముమ్మరం చేస్తోంది. ఇప్పటికే సుశాంత్ గర్ల్ ఫ్రెండ్ మరియు బాలీవుడ్ హీరోయిన్ అయిన రియా చక్రవర్తిని అదుపులోకి తీసుకుని ఇంటరాగేట్ చేసిన సంగతి తెలిసిందే. ఇదిలా ఉండగా..
దీపికా పడుకొనె, రకుల్ ప్రీత్ సింగ్, దియా, నమ్రత శిరోద్కర్ వంటి వారు కూడా ఈ రాకెట్లో ఉన్నట్టు నేషనల్ మీడియాలో కథనాలు పుట్టుకొస్తున్నాయి. అయితే ఈ వార్తల పై సీనియర్ స్టార్ హీరోయిన్ నగ్మా మండిపడింది. ఆమె మాట్లాడుతూ.. “గతంలో నేను కూడా డ్రగ్స్ వాడానంటూ హీరోయిన్ కంగనా రనౌత్ డైరెక్ట్ గా చెప్పింది.. మరి ఆమెకు అధికారులు ఎందుకు నోటీసులు పంపలేదు.? కేవలం వాట్సప్‌ మెసేజ్‌లను ఆధారంగా చేసుకుని హీరోయిన్లకు నోటీసులు పంపిస్తున్నారు,
మరి కంగనా డైరెక్ట్ గా ఒప్పుకున్నా ఆమెకు ఎందుకు నోటీసులు పంపలేదు.డ్రగ్స్ కేసులకు సంబంధించిన వ్యవహారాల్లో హీరోయిన్లకు సంబంధం ఉన్నా లేకపోయినా నేషనల్ మీడియాలో వారి గురించి వార్తలు వచ్చేలా చేసి వారి పరువు తీయడమే ఎన్.సి.బి అధికారుల ఉద్యోగమా? ఇది ఏమాత్రం సరైన పద్ధతి కాదు” అంటూ నగ్మా పెద్ద ఎత్తున మండిపడింది.
Most Recommended Video
బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
