దక్షిణాది స్టార్ హీరోయిన్ నయనతార గతంలో నటుడు శింబు, ప్రభుదేవాలతో డేటింగ్ చేసింది. ప్రభుదేవాని పెళ్లి చేసుకోవాలనుకుంది కానీ వర్కవుట్ కాలేదు. ఆ సమయంలో ఆమె డిప్రెషన్ లోకి వెళ్లిపోయింది. దాని నుండి బయట పడడానికి తన దృష్టి మొత్తం సినిమాలపై పెట్టింది. ఆ తరువాత కొంతకాలానికి దర్శకుడు విఘ్నేశ్ శివన్ తో పరిచయం ఏర్పడింది. అది కాస్త ప్రేమగా మారింది. చాలా కాలంగా ఈ జంట సహజీవనం చేస్తోంది. ఆ విషయాన్ని బయటకి చెప్పనప్పటికీ.. కలిసి టూర్లకి వెళ్లడం, పుట్టినరోజు వేడుకలు సెలబ్రేట్ చేసుకోవడం, క్లోజ్ గా ఉన్న ఫోటోలు సోషల్ మీడియాలో షేర్ చేయడంతో వీరి ప్రేమ సంగతి బయటకి తెలిసింది.
అయితే ఇప్పుడు వీరిద్దరి మధ్య మనస్పర్ధలు తలెత్తాయని టాక్. చాలా రోజులుగా విఘ్నేశ్ ఇంట్లో పెళ్లి గురించి ఒత్తిడి చేస్తున్నారు. అదే విషయాన్ని అతడు నయన్ దగ్గర ప్రస్తావించగా.. కొంతకాలం ఆగి ఆ తరువాత చేసుకుందామని సముదాయించిందట. తాజాగా మరోసారి విఘ్నేశ్ పెళ్లి ప్రస్తావన తీసుకురాగా.. ప్రస్తుతం తను టాప్ హీరోయిన్ గా ఉన్నానని.. ఈ సమయంలో పెళ్లి అంటే అవకాశాలు తగ్గిపోతాయని అతడికి చెప్పగా.. విఘ్నేశ్ కోపగించుకొని వెళ్లిపోయినట్లు సమాచారం. ఈ విషయంపై తమిళ మీడియా పలు వార్తలు ప్రచురిస్తోంది. ప్రేమ విషయాన్నే బయటకి చెప్పని ఈ జంట గొడవల సంగతులపై మాత్రం ఎందుకు స్పందిస్తుంది..?
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
