సీనియర్ నటి ప్రగతి గురించి ప్రేక్షకులకు ప్రత్యేక పరిచయం అవసరం లేదు. హీరోయిన్ గా కెరీర్ ను మొదలుపెట్టినప్పటికీ ఎక్కువ కాలం హీరోయిన్ గా నిలబడలేకపోయింది. కొన్నాళ్ల తర్వాత తెలుగులో క్యారెక్టర్ ఆర్టిస్ట్ గా ఎంట్రీ ఇచ్చింది. ఎక్కువగా తల్లి, పిన్ని, అత్త, వదిన వంటి పాత్రలు వేస్తూ బిజీ ఆర్టిస్ట్ గా మారింది ఈమె. అయితే ఈమెను బాగా పాపులర్ అయ్యేలా చేసింది మాత్రం సోషల్ మీడియా అనే చెప్పాలి.
లాక్ డౌన్ టైంలో రాయల్ ఎన్ ఫీల్డ్ బండి నడుపుతూ ఒక్కసారిగా వార్తల్లో నిలిచిన ఈమె.. అటు తర్వాత జిమ్ లో వర్కౌట్లు చేస్తున్న ఫోటోలు, మాస్ పాటలకి డాన్స్ చేస్తున్న వీడియోలు వంటివి షేర్ చేసి ట్రెండింగ్ లో నిలిచింది. ఇదిలా ఉండగా.. ఓ ఇంటర్వ్యూలో ఈమె తన లైఫ్ లో పడిన కష్టాలు గురించి చెప్పి పెద్ద షాకిచ్చింది. ఎప్పుడూ నవ్వుతూ, డాన్స్ లు వేస్తూ కనిపించే ఈమె నవ్వు వెనుక ఇన్ని కష్టాలు ఉన్నాయా అని ఆశ్చర్యపోయేలా చేశాయి ఈమె కామెంట్లు.
ఓ ఇంటర్వ్యూలో ఈమె (Pragathi) మాట్లాడుతూ.. “నేను పెళ్లి చేసుకోవడానికి ముందు ఎన్నో కష్టాలు పడ్డాను.మూడు పూట్ల ఇంట్లో కూర్చొని తింటున్నావని మా అమ్మ నన్ను ఇష్టమొచ్చినట్లు తిట్టేది. అవి భరించలేక పిజ్జా షాపుల్లో ,ఎస్టీడీ బూతుల్లో కూడా పని చేశాను. డబ్బు కోసం, డబ్బు విలువ తెలుసుకోవడం కోసమే అలా చేశాను. అప్పట్లో నేను చాలా లావుగా ఉండేదాన్ని. అటు తర్వాత మెల్ల మెల్లగా మోడలింగ్ చేస్తూ ఆఖరికి సినిమాల్లోకి వచ్చాను.
కానీ, సినిమాల్లో మొదట నాకు అంతగా కలిసిరాలేదు. ఓ హీరోతో ఏర్పడ్డ వివాదం వల్ల సినిమాలు మానేసి 20 ఏళ్ల వయసులోనే పెళ్లి చేసుకున్నాను. కానీ నా భర్తతో మనస్పర్థలు రావడంతో విడాకులు తీసుకున్నాను. ఆ తర్వాత మళ్ళీ పెళ్లి చేసుకోవాలి అనే ఆలోచన అయితే రాలేదు. నా పిల్లలకి పెళ్లిళ్లు అయితే నేను చేయను. పూర్తిగా వాళ్ళ నిర్ణయానికే వదిలేస్తాను. ” అంటూ చెప్పుకొచ్చింది ప్రగతి.
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
