ప్రియమణి ఏంటి? ముఖ్యమంత్రి పీఠానికే ఎసరు పెట్టడం ఏంటి? ఆమె రాజకీయాల వైపు ఎప్పుడు మళ్లింది. పైగా బుల్లితెరపై షోలు కూడా చేస్తుంది? ముఖ్యమంత్రి అయ్యేంత సినిమా ప్రియమణికి ఉందా? పైన హెడ్డింగ్ చూసిన వెంటనే అందరి మైండ్లో మెదిలే ప్రశ్నలు ఇవే. ప్రియమణి గురించి ఈ మధ్య కాలంలో ఏదో ఒక వార్త హల్ చల్ చేస్తూనే ఉంది. తన భర్త ముస్తఫా రాజ్ కు విడాకులు ఇవ్వబోతుందని…
సినిమాలకు దూరం కాబోతుందని ఇలా ఆమె గురించి ఏదో ఒక వార్త వైరల్ అవుతూనే ఉంది. ఈ వార్తలను ఆమె ఖండించిన సంగతి కూడా తెలిసిందే! ఇక సినిమాల విషయంలో కూడా ప్రియమణి ఆచి తూచి అడుగులు వేస్తుంది. సెకండ్ ఇన్నింగ్స్ ను చాలా చక్కగా ప్లాన్ చేసుకుంటోంది. ‘ది ఫ్యామిలీ మెన్’ ‘నారప్ప’ ‘విరాటపర్వం’ ‘భామా కలాపం’ ఇలా మంచి మంచి సబ్జెక్టులతో దూసుకుపోతుంది. నాగచైతన్య- వెంకట్ ప్రభు దర్శకత్వంలో రూపొందుతున్న ద్విభాషా చిత్రంలో కూడా ఆమె కీలక పాత్ర పోషించనుంది.
ఈ చిత్రంలో ఆమె ముఖ్యమంత్రిగా కనిపించబోతుందట. అసలు మేటర్ అది.’మానాడు’ చిత్రంతో సూపర్ హిట్ అందుకున్న దర్శకుడు వెంకట్ ప్రభు.. ఈ చిత్రంలో ప్రియమణి పాత్రని చాలా పవర్ ఫుల్ గా తీర్చిదిద్దుతున్నాడట. నిజానికి ఈ పాత్రకు మొదట రమ్యకృష్ణని అడిగినట్టు వినికిడి. అయితే ఆమె కాల్ షీట్లు అడ్జస్ట్ కాకపోవడం వలన ప్రియమణి ని సంప్రదించారట. ఈ చిత్రంలో నాగ చైతన్య సరసన కృతి శెట్టి హీరోయిన్ గా నటిస్తుంది.
‘శ్రీనివాస సిల్వర్ స్క్రీన్’ బ్యానర్ పై శ్రీనివాసా చిట్టూరి ఈ చిత్రాన్ని నాగ చైతన్య కెరీర్లోనే హైయెస్ట్ బడ్జెట్ తో నిర్మిస్తున్నారు. ఈ చిత్రంలో ‘కార్తీక దీపం’ సీరియల్ ద్వారా బాగా పాపులర్ అయిన వంటలక్క అలియాస్ దీప అలియాస్ ప్రేమి విశ్వనాథ్ కూడా కీలక పాత్ర పోషిస్తున్నారు. 2023 ఆరంభంలో ఈ మూవీ ప్రేక్షకుల ముందుకు రానుంది.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
