‘ఫ్యామిలీ మ్యాన్‌’ సిరీస్‌లో రెండో సీజన్‌ కోసం ఎంతోమంది అభిమానులు ఎదురుచూశారు. అందులో సమంత నటిస్తోందనేసరికి ఆ ఎదురుచూపులు డబుల్‌ అయ్యాయి. అయితే సిరీస్‌ ట్రైలర్‌ వచ్చేసరికి… ఇష్యూ వేరేవైపు టర్న్‌ అయ్యింది. అందులో సమంత పోషిస్తున్న ‘రాజీ’ పాత్ర చుట్టూ వివాదాలు మొదలయ్యాయి. కొన్ని రోజులకు ఆ వివాదాలు సిరీస్‌పై ప్రభావం చూపించాయి. అయితే తాజాగా ఆ వివాదంపై సమంత మాట్లాడింది. ఫ్యామిలీ మ్యాన్‌ 2 సిరీస్‌ విడుదలకి ముందు నా పాత్ర విషయంలో విమర్శలు వచ్చినా… విడుదలైన కొన్ని రోజుల్లోనే ఆ ట్రోలింగ్‌ ఆగిపోయింది.
అయితే రాజీ పాత్ర పోషించినందుకు ఇప్పటికీ నాపై కొంతమంది ఆగ్రహం వ్యక్తం చేస్తున్నారు. ప్రజల మనోభావాల్ని దెబ్బతీయాలనే ఉద్దేశంతో ఆ పాత్రలో నేను నటించలేదు. రాజీ పాత్ర నాకు బాగా నచ్చడంతో, నిజాయతీగా పోషించా. అయినా ఆ పాత్ర కొందరిని బాధించింది కాబట్టి ఈ సందర్భంగా వారందరికీ క్షమాపణలు కోరుతున్నా అంటూ సమంత అంది.నేను నటించిన తొలి వెబ్‌ సిరీస్‌కే అవార్డు రావడం ఆనందంగా ఉంది.
తొలి ప్రయత్నంలోనే ఉత్తమ నటిగా అవార్డు దక్కడం నాలో మరింత ఉత్సాహాన్ని నింపింది అని సమంత చెప్పింది. అన్నట్లు ఈ సిరీస్‌ ఇటీవల తెలుగులో అందుబాటులోకి తీసుకొచ్చింది బృందం. తెలుగులోనూ చూద్దాం అనుకున్నవాళ్లు ఓ లుక్కేయొచ్చు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
