‘అబ్బ దబ్బ జబ్బ’, ‘బాబు చిట్టి’.. ఈ డైలాగులు వినగానే మనకు టక్కున గుర్తొచ్చే లేడీ కమెడియన్ శ్రీ లక్ష్మీ గారు. అప్పట్లో ఎన్నో సినిమాల్లో ఈమె తనదైన శైలిలో కామెడీ పండించి ప్రేక్షకులను అలరించారు. ప్రస్తుతం ఈమె ఏ సినిమాల్లోనూ నటించడం లేదు అనుకోండి..! అయితే అప్పుడప్పుడు బుల్లితెర పై గెస్ట్ ఎంట్రీ ఇస్తూ వస్తోంది. ఇదిలా ఉండగా.. తాజాగా ఈమె ఓ యూట్యూబ్ ఛానల్ కు ఇంటర్వ్యూ ఇచ్చింది. అందులో పాల్గొని కొన్ని ఎమోషనల్ కామెంట్స్ చేసింది శ్రీలక్ష్మీ.
రీల్ లైఫ్ లో నవ్వులు పూయించిన ఈ నటి.. రియల్ లైఫ్ లో అంత బాధను దాచుకుందా అనే విధంగా ఉన్నాయి ఆమె కామెంట్లు. శ్రీలక్ష్మీ మాట్లాడుతూ.. “నా లైఫ్ గురించి ఆలోచించినప్పుడల్లా.. నేను తప్పు చేశాను అనే ఫీలింగే ఎక్కువ కలుగుతుంది. నాకంటూ ఫ్యామిలీ బాండింగ్ అనేది లేకుండా పోయింది అనే బాధ నన్ను ఎప్పుడూ వెంటాడుతూ ఉంటుంది. దేవుడు ప్రతి ఒక్కరికీ ఒక కొరత పెడుతుంటాడు. ఎలాంటి కొరత లేదు అంటే వాడు మనిషే కాదని నా అభిప్రాయం.
నా వరకూ అయితే దేవుడు నాకు పిల్లలు లేకుండా చేశాడు. అప్పుడే బాధ్యతలు బరువులు తీసుకుని.. పిల్లలది ఏముందిలే మళ్లీ కనొచ్చు కదా అని లైట్ తీసుకున్నాను. కానీ నేను తల్లిని కాలేకపోయాను. నాకు స్పైరల్ ఆపరేషన్ జరిగింది. దాంతో థైరాయిడ్ వచ్చేసింది. ఇక వయసు కూడా పెరగడంతో ఆ ఆనందానికి ఫుల్ స్టాప్ పడిపోయింది” అంటూ ఆవేదన వ్యక్తం చేసింది.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
