టాలీవుడ్ అగ్ర హీరోయిన్లలో తమన్నా కూడా ఉంటుంది అనడంలో సందేహంలేదు. తెలుగు, తమిళ భాషల్లో దాదాపు అందరి స్టార్ హీరోల సరసన నటించింది తమన్నా. అయితే ఆమె హిట్ల సంఖ్య బాగా తక్కువ. ఇక ప్రస్తుతం కుర్ర హీరోయిన్ల పోటీకి తట్టుకోవడం కష్టమని తమన్నాకి కూడ అర్దమైపోయినట్టుంది. అందుకే ఇప్పుడు కథాబలం ఉన్న చిత్రాల్ని.. అందులోనూ తన పాత్రకి ప్రాధాన్యత ఉన్న చిత్రాల్నే ఎంచుకుంటూ ముందుకు సాగుతుంది.
ఇక అసలు విషయానికొస్తే… తమన్నా త్వరలోనే ఓ హారర్ సినిమాను చేయబోతున్న సంగతి తెలిసిందే. అయితే ఇప్పుడు నెగెటివ్ రోల్ చేయడానికి కూడా రెడీ అవుతుందట. విశాల్ తో నటిస్తున్న తాజా చిత్రంలో తమన్నా ఈ పాత్ర పోషించబోతుందని తెలుస్తుంది. గతంలో విశాల్ సరసన ‘కత్తి సందై’ చిత్రం చేసిన తమన్నా అందులో గ్లామర్ రోల్ చేసింది. అయితే ఇప్పుడు విశాల్ తో చేస్తున్న చిత్రంలో నెగెటివ్ షేడ్స్ కలిగిన పాత్రను చేయబోతుందట. సుందర్.సి డైరెక్ట్ చేయనున్న ఈ ఈ యాక్షన్ థ్రిల్లర్ లో హీరోయిన్ గా మలయాళ హీరోయిన్ ఐశ్వర్య లక్ష్మి నటిస్తుందట. ‘లైకా ప్రొడక్షన్స్’ సంస్థ నిర్మిస్తున్న ఈ చిత్రం ఏప్రిల్ చివరి వారంలో సెట్స్ పైకి వెళ్ళబోతుందట. మరి నెగటివ్ రోల్ లో తమన్నా ఎంతవరకూ మెప్పిస్తుందో చూడాలి.
