‘ఆహా’ యాప్ కోసం అక్కినేని వారి కోడలు సమంత హోస్ట్ గా మారిన సంగతి తెలిసిందే. అగ్రిమెంట్ ప్రకారం మొదటి సీజన్ ఇంటర్వ్యూలు పూర్తి చేసింది ఈ బ్యూటీ. చిరంజీవి, అల్లు అర్జున్, నాగచైతన్య, రకుల్, రానా లాంటి తారలను ఇంటర్వ్యూ చేసింది. ఇప్పుడు మరోసారి సమంతను తెరపైకి తీసుకొచ్చే ఏర్పాట్లు చేస్తోంది ‘ఆహా’. కరోనా కారణంగా ఓటీటీలకు డిమాండ్ బాగా పెరిగింది. థియేటర్లు మూతపడడంతో జనాలంతా ఓటీటీలపై పడ్డారు.
ఇలాంటి సమయంలో మిగిలిన ఓటీటీలతో పోటీపడి సినిమాలను దక్కించుకోవాలంటే అల్లు అరవింద్ ఎక్కువ మొత్తంలో డబ్బు ఇన్వెస్ట్ చేయాల్సి వస్తుంది. అందుకే షోలతో జనాలను ఎట్రాక్ట్ చేయాలనుకుంటున్నాడు. దీనికోసం మరోసారి ‘ఆహా’ వేదికపైకి సమంత తీసుకురావాలని అనుకుంటున్నారు. కానీ సమంత ఎంట్రీతో ‘ఆహా’కు మైలేజ్ పెరుగుతుందా లేదా అనే విషయంలో సందేహాలు కలుగుతున్నాయి. దీనికి కారణం.. మొదటి సీజన్ లో ఆమె చేసిన ఇంటర్వ్యూలన్నీ కూడా తేలిపోయాయి. జనాలకు ఈ షో పెద్దగా నచ్చలేదు.
చిరంజీవి, అల్లు అర్జున్ లాంటి స్టార్ హీరోల ఇంటర్వ్యూలు స్ట్రీమింగ్ చేసినప్పుడు కూడా వ్యూస్ పెద్దగా రాలేదు. ఇలాంటి సమయంలో సమంతతో మరోసారి కొత్త సీజన్ ను మొదలుపెట్టాలనుకోవడం ఎంతవరకు కరెక్ట్ అనేది ఆలోచించాల్సిన విషయం. ఒకవేళ ప్లాన్ చేసుకున్నా కూడా.. ప్రోగ్రాం డిజైన్ మొత్తం మార్చాలి. అలా కాకుండా ఎప్పటిలానే ఎంటర్టైన్మెంట్, సోషల్ మెసేజ్, మానవత్వ విలువలు అన్నీ కలిపి ప్రోగ్రామ్ చేయాలనుకుంటే మాత్రం కష్టమే. మరి అల్లు అరవింద్ ఈసారైనా కాన్సెప్ట్ మార్పించి సక్సెస్ అందుకుంటారేమో చూడాలి!
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
