హీరో అయినప్పటి నుండి ప్రతి రెండేళ్లకు ఓ సినిమా చేస్తూ వస్తున్నాడు అఖిల్‌ (Akhil Akkineni) . 2015లో కెరీర్‌ ప్రారంభించిన అఖిల్‌ 2023 వరకు అలా చేసుకుంటూనే వచ్చాడు. అయితే దీని వెనుక ఆయన సినిమాల ఫలితాలు ఓ కారణమని చెప్పొచ్చు. రకరకాల సినిమాలు ఎంచుకుంటూ మంచి ఫలితం కోసం ఎదురుచూస్తున్న అఖిల్‌కు ఇంకా ఆ స్థాయి సినిమా పడలేదు. అందుకేనేమో ‘ఏజెంట్‌’ (Agent) తర్వాత చాలా గ్యాప్‌ ఇచ్చాడు. ఇప్పటివరకు కొత్త సినిమా అనౌన్సే చేయలేదు.
ఈ క్రమంలో అఖిల్‌ సన్నిహిత వర్గాల నుండి ఆసక్తికర సమాచారం అందుతోంది. ఇన్ని నెలల గ్యాప్‌ తీసుకొని అఖిల్‌ మూడు సినిమాలను ఓకే చేశాడు అని అంటున్నారు. ఈ మేరకు త్వరలో సినిమాల అనౌన్స్‌మెంట్‌ ఓపెనింగ్స్‌ ఉంటాయి అని చెబుతున్నారు. ఇప్పటివరకు అఖిల్‌ తర్వాతి సినిమా అంటే మనకు తెలిసింది యూవీ క్రియేషన్స్‌ వాళ్ల సినిమానే. అది కాకుండా మరో రెండు కూడా లైన్‌లో ఉన్నాయట. అనిల్‌ దర్శకత్వంలో అఖిల్‌ ఓ సినిమా చేస్తున్నాడు.
ఈ మేరకు అంతా ఓకే అయినా మేకోవర్‌ అయ్యాక యూవీ క్రియేషన్స్‌ ఈ సినిమా అనౌన్స్‌ చేస్తుందట. ఇది కాకుండా అన్నపూర్ణ స్టూడియోస్ బ్యానర్‌లో ఓ సినిమాకు అన్నీ రెడీ చేస్తున్నారట. ‘వినరో భాగ్యము విష్ణుకథ’ (Vinaro Bhagyamu Vishnu Katha) సినిమాతో ప్రేక్షకులను మెప్పించిన మురళి కిషోర్ అబ్బూరు ఈ సినిమాను డైరెక్ట్‌ చేస్తారట. చిత్తూరు బ్యాక్ డ్రాప్‌లో ఈ సినిమా ఉంటుందట. ఇక గౌతమ్ వాసుదేవ మీనన్ దర్శకత్వంలో ఓ సినిమా చేయాలని అఖిల్‌ ప్లాన్‌ చేస్తున్నాడట.
నాగచైతన్యకు ‘ఏ మాయ చేసావె’తో (Ye Maaya Chesave) హిట్‌ ట్రాక్‌ ఎక్కించిన గౌతమ్ మేనన్‌ (Gautham Vasudev Menon) అఖిల్‌కు కూడా అలాంటి హిట్‌ ఇవ్వాలని నాగార్జున (Nagarjuna) ఆశిస్తున్నారట. ఈ ప్రాజెక్ట్‌ కూడా ఓకే అయితే త్వరలో అనౌన్స్‌మెంట్స్‌ ఉంటాయి అని చెబుతున్నారు. అయితే అదెప్పుడు అనేది చూడాలి. యూవీ క్రియేషన్స్‌ సినిమా అయితే పాన్‌ ఇండియా లెవల్‌లో ఉంటుందని టాక్‌.
